Mańǵystaý oblysynda tabiǵat aiasyndaǵy demalys qaiǵyly jaǵdaimen aiaqtaldy, dep habarlaidy dalanews.kz.
Aqparatqa súiensek, Aqtaýdaǵy mektepterdiń biriniń qyzmetkerleri Jarmysh aýyly mańyndaǵy Aralbai sarqyramasyna demalýǵa barǵan.
Sol jerde 56 jastaǵy er adam káýap jep otyryp qaqalyp qalǵan. Kýágerler oǵan kómektesýge tyrysqanymen, er adam áriptesteriniń aldynda kóz jumǵan.
Mańǵystaý oblystyq Politsiia departamenti bul derek boiynsha tekseris júrgizilip jatqanyn habarlady. Qazir oqiǵanyń barlyq mán-jaiy anyqtalyp jatyr.
Politsiia tabiǵat aiasynda demalǵan kezde qaýipsizdik erejelerin saqtaýǵa shaqyrdy.
