Óńirde dándi jáne dándi-burshaqty daqyldar 285 myń gektar jerge (44%) egilse, maıly daqyldar 214 myń gektar jerge (33%) egilgen, al jem-shóp egilgen jer 135 myń gektardy (21%) quraǵan. Kartop, kókónis, baqsha daqyldary 19 myń gektarǵa (2%) egilgeni málim boldy.
Sondaı-aq, oblys ákimdiginiń málimetinshe, búginde kóktemgi egis jumystaryna tehnıka 98% daıyn.
Kóktemgi egis jumystaryn júrgizý úshin oblysqa Pavlodar munaı óńdeý zaýytynan 20 myń tonna arzandatylǵan (186,0 teńge/lıtr) dızel otyny bólingen. Tólem jáne jóneltý jumystary kestege saı júrgizilýde.
Sonymen qatar, topyraqtyń qunarlylyǵyn arttyrý úshin 25 myń tonna mıneraldy tyńaıtqyshtar engizý josparlanǵan, búgingi tańda 17,5 myń tonnasy alynǵan.
Al dándi jáne maıly daqyldar boıynsha tuqymdyq materıalmen qamtamasyz etý 100%-dy quraıdy.
Kóktemgi egis jumystaryn tabysty júrgizý úshin 4 mlrd teńgeden astam sýbsıdıa túrinde memlekettik qoldaý kózdelgen. Onyń ishinde – tuqym sharýashylyǵyn qoldaýǵa – 1 120,9 mln teńge, mıneraldy tyńaıtqyshtardyń qunyn arzandatýǵa – 1 617,5 mln teńge, pestısıdterdiń qunyn arzandatýǵa – 1 301,4 mln teńge, jetkizý qyzmetteriniń qunyn sýbsıdıalaýǵa sýarmaly sý – 49,3 mln teńge qarastyrylǵan.
Aǵymdaǵy jyly SHQO oblysynyń Aýyl sharýashylyǵy qurylymdary úshin «Agrarlyq nesıe korporasıasy» AQ 8 mlrd teńge nesıe qarajatyn, onyń ishinde «Keń dala» baǵdarlamasy boıynsha kóktemgi dala jumystaryn júrgizýge – 1 mlrd teńge berý josparlanýda.
