Aıta ketsek, 2015 jyly oblys ákimi Danıal Ahmetovtiń qoldaýymen ár túrli ǵylymı ortalyqtarda jumys istep jatqan ǵalymdar Shyǵys Qazaqstanǵa shaqyrtylǵan bolatyn. Arheologıany damytýdyń 5 jylǵa arnalǵan óńirlik baǵdarlamasy ázirlenip, qazba jumystary qolǵa alyndy. Sonyń nátıjesinde, 6 jyl ishinde álem nazaryn burǵan aýqymdy ǵylymı jańalyqtar ashylyp, Tarbaǵataı aýdanynda tonalmaǵan ekinshi Altyn adam tabylyp otyr.
Osy jumystardyń tabysty nátıjeleri 3 tomdyq "Shyǵys Qazaqstannyń ejelgi dáýiri", "Qazaqstan tarıhy" monografıalaryn daıyndap, basyp shyǵarýǵa negiz boldy.
Shyǵys Qazaqstannyń qorǵandarynan tabylǵan 60 myń biregeı artefaktiler jınaqtalǵan "Uly Dala altyny" kórmesi ǵylymı qoǵamdastyqtyń úlken qyzyǵýshylyǵyn týdyrdy.
Metal óńdeý tehnıkasy men zergerlik sheberligi ejelgi kóshpendiler órkenıetiniń joǵary deńgeıin aıǵaqtaıdy.
Shyǵystan tabylǵan artefaktiler aǵymdaǵy jyldyń 28 qyrkúıeginen bastap 2022 jyldyń 30 qańtaryna deıin Kembrıdj ýnıversıtetindegi kórmede eksponattalady. Bul Qazaqstan murasyn ilgeriletýdegi tarıhı qadam boldy
