Qazaqstan tarihi otanyna oralýǵa nietti etnikalyq qazaqtardy qabyldaý saiasatyn belsendi túrde júzege asyryp keledi. Osy maqsatta elde “Ata joly” kartasy engizilip, búginde 65 adamǵa berildi. Bul karta shetel azamattaryna Qazaqstanda 10 jylǵa deiin turý jáne jumys isteý quqyǵyn beredi,- dep habarlaidy Dalanews.kz
Alaida, Shyǵys Qazaqstan oblysynda bul kartany alý boiynsha ázirge ótinish túsken joq. Degenmen, aimaq qandastar úshin mańyzdy qonys aýdarý ortalyǵynyń biri bolyp qala beredi.
Biyl memlekettik kvota aiasynda oblysqa 269 adam qonys aýdardy. Olardyń basym bóligi Qytai men Mońǵoliiadan kelgen. Kóship kelgenderdi qoldaý maqsatynda memleketten 362 million teńge bólindi. Onyń 65 milliony kóshý shyǵyndaryn óteýge, 6 milliony jaldamaly turǵyn úi aqysyna, al 291 milliony baspana satyp alýǵa arnalǵan sertifikattardy qarjylandyrýǵa baǵyttaldy.
"Glýbokoe aýdany qonys aýdarý úshin eń tanymal orynǵa ainaldy. Munda qazirdiń ózinde 21 otbasy baspana satyp aldy. Biz qandastardy tek turǵyn úimen qamtamasyz etip qana qoimai, olardy jumyspen qamtýǵa da kómektesýge tyrysamyz. 2024 jyly 138 adam jumysqa ornalasty, al taǵy 5 adam óz isin bastaý úshin grantqa ie boldy", - dep habarlady ShQO jumyspen qamtýdy úilestirý jáne áleýmettik baǵdarlamalar basqarmasynyń basshysy Almira Mýsinova.
Qandastardyń kásipkerlik bastamalary da memlekettiń qoldaýyna ie bolýda. Olardyń qatarynda Óskemendegi dombyra úiretý ortalyǵy, qazaq qolóner buiymdaryn óndirý, Glýbokoe aýdanyndaǵy konditerlik tseh, Katon-Qaraǵai aýdanyndaǵy qonaq úi biznesi, Zaisan aýdanyndaǵy mal azyǵyn óndirý jobasy siiaqty birneshe mańyzdy bastama bar.
Al 2025 jylǵa qarai qonys aýdarýǵa 35 ótinish qabyldandy, onyń 24-i maquldandy. Bul degenimiz, kelesi jyly 41 qandas Shyǵys Qazaqstanda jańa ómir bastaidy.
Qonys aýdaryp kelgenderdiń Qazaqstanǵa tez beiimdelýine kómektesý úshin tsifrlyq qoldaý quraldary da iske qosyldy. FSMSocial mobildi qosymshasy zańgerlik, meditsinalyq jáne bilim berý qyzmetterin alýǵa kómektesedi. Sonymen qatar, al Beiimdeý ortalyǵy ýaqytsha baspanamen jáne qajetti aqparatpen qamtamasyz etedi.
Etnikalyq qazaqtardy qabyldaý baǵdarlamasy qandastardyń tezirek beiimdelýine, jumys tabýyna jáne Qazaqstannyń tolyqqandy azamaty bolýyna kómektesedi.
