ShQO-nyń eki turǵyny bilikti basyp alý jáne separatistik áreketterdi nasihattaǵany úshin 5 jylǵa sottaldy, - dep habarlaidy Dalanews.kz.
Shyǵys Qazaqstan oblysynyń prokýratýrasy málimetinshe, Óskemen qalalyq №2 sotynyń sheshimimen Shyǵys Qazaqstan oblysynyń eki turǵyny ulttyq jáne áleýmettik arazdyqty qozdyratyn jariialanymdar men úgit-nasihattary úshin sottaldy.
"Tergeý barysynda olar 2024 jyldyń aqpan aiynda internet-resýrstardy (chat-rýletka) paidalanyp, Shyǵys Qazaqstan oblysyn Qazaqstan Respýblikasynan bólý maqsatynda referendým ótkizý qajettigi týraly senimderi men ideialaryn bildirgeni belgili boldy.
Olar referendýmda oń nátijege qol jetkizilmegen jaǵdaida oblysty kúshtep basyp alýdy nasihattady", - dep jazylǵan málimette.
Aiyptalýshylar óz kinálaryn tolyq moiyndap, ókinish bildirdi.
Memlekettik aiyptaýshy sotta olardyń árqaisyn 5 jylǵa bas bostandyǵynan aiyrýdy surady.
Zańdy kúshine engen sot úkimimen kináliler 5 jylǵa bas bostandyǵynan aiyryldy.
"Memlekettiń qaýipsizdigi men tutastyǵyn qamtamasyz etý máseleleri quqyq qorǵaý jáne arnaiy organdardyń erekshe baqylaýynda", - dedi prokýratýra ókilderi.
