– Bilim kúnimen jáne jańa oqý jylynyń bastalýymen shyn júrekten quttyqtaimyn!⠀
1 qyrkúiek – balalarymyz úshin, ásirese birinshi synypqa baratyn oqýshylarǵa óte mańyzdy kún. Búgin Shyǵys Qazaqstan oblysynda 20 myń birinshi synyp oqýshysy mektep tabaldyryǵyn attady.
Olardyń jetistikteri ata-analardyń da, muǵalimderdiń de maqtanyshyna ainalatynyna senimdimin. Al joǵary synypty aiaqtap, mektepten túlep ushatyn túlekter úshin mamandyq tańdap, odan ári úlken ómirge qadam basar aldyndaǵy oqý jyly bastalady.
Memleket Basshysy Qasym-Jomart Toqaev bilim berý salasyn damytýǵa erekshe kóńil bólýde. Qazirgi ýaqytta bilim salasyn jańǵyrtý jumystary barynsha joǵary deńgeide júrgizilýde. Bilim berý protsesine zamanaýi nysandar men innovatsiialyq ádistemeler engizilip jatyr. Búgingi jas urpaqtyń sapaly bilim alyp, biik belesterdi baǵyndyrýyna múmkindik mol, – delingen oblys basshysynyń quttyqtaýynda.
Oblystaǵy mekteptiń barlyǵynda birinshi qońyraýǵa arnalǵan «Kel, balalar, oqylyq!» atty saltanatty lezdeme ótti.
Biylǵy jyly Shyǵys Qazaqstanda birinshi synypqa 21 000 bala bardy. Saltanatty shara aiasynda alǵash mektep tabaldyryǵyn attaǵan búldirshinderge álippe tabystaldy. Bas sanitarlyq dárigerdiń usynysyna sáikes, merekelik lezdemege birinshi synyp oqýshylarynyń ata-analarynyń bireýi ǵana qatysty.
COVID-19 koronovirýs infektsiiasyna boiynsha epidemiologiialyq jaǵdaiǵa bailanysty biylǵy jyly mektepterde bilim berý sanitarlyq-epidemiologiiaǵa qarsy sharalardy saqtai otyryp júrgiziletin bolady. Sonymen qatar oblystaǵy barlyq bilim berý mekemeleri «Ashyq» jobasyna qosylǵan, mektepter qorǵanys jabdyqtarymen qamtamasyz etilgen. Búgingi kúni oblysta bilim uiymdarynyń 29 562 pedagogy ekpe alǵan, olardyń 21 251-i mektep muǵalimderi.
Oqýshyda nemese onyń jaqyn týystarynda COVID-19 infektsiiasyn juqtyrý jaǵdaiy oryn alsa, onda oqýshy qashyqtyqtan oqytý formatyna kóshiriledi. Noýtbýktar beriledi.
Oqýshylar, pedagogtar men qyzmetkerler úshin kúndelikti "kirý" súzgisi qamtamasyz etilgen. Buqaralyq, sonymen qatar mektepke deiingi jáne orta bilim beretin uiymdarda toptar men synyptardy biriktiretin is-sharalardy ótkizýge tyiym salynǵan. Zerthanalyq jáne tájiribelik sabaqtardy qospaǵanda, kabinettik bilim berý júiesi toqtatylady. Iaǵni, «bir synyp – bir kabinet» printsipi qoldanylady.
Úzilisterge toqtalsaq, olar 10 minýttan jáne ár-túrli ýaqytta bolady. Ashanalardyń jumysy da kestege sáikes uiymdastyrylǵan. Az qamtylǵan jáne kópbalaly otbasy tizimine kiretin 37 myń oqýshy ystyq tamaqpen tegin qamtamasyz etiledi. Osy sanattaǵy 44 myń oqýshy tegin mektep kiimi men aiaq-kiimderin aldy. Oblystaǵy mektepteri joq 220 turǵylyqty mekendegi 3 020 oqýshyǵa 134 bilim uiymyna 195 avtobýsta tasymaldaý uiymdastyryldy. Sonyń ishinde biylǵy jyly úsh myń balany tasý úshin 26 jańa mektep avtobýstary satyp alyndy.
Biylǵy jyly «Oqýǵa qushtar mektep» jobasy júzege asyrylady. Jańa oqý jyly basynan bastap sabaq arasyndaǵy úziliste keste boiynsha 20 minýttyq kitap oqý engiziledi. Mektep holldarynda «Býkkrossing» buryshtary ashylady.
Oqýshylar arasynda buqaralyq sportty damytýǵa erekshe nazar aýdarylady. Búgingi kúni 4 190 sport úiirmesinde 79 690 bala jattyǵady, bul 42% quraidy.
Biylǵy jyly taǵyda qosymsha 1 268 sporttyq úiirme ashyldy. Sondai-aq dene shynyqtyrý muǵalimderiniń eńbekaqylaryn ulǵaitý maqsatynda sporttyq úiirmelerdi júrgizgenderi úshin Respýblikalyq biýdjetten 552 mln. teńge somasynda qosymsha eńbekaqy tóleý qarastyrylǵan.
Bilim berý mekemelerinde balalarǵa qaýipsiz orta qurý máselesi basymdyqqa ie. Osy maqsatta oblystaǵy jalpy bilim beretin mektepter men mektepke deiingi mekemeler 100% beinebaqylaý júiesimen jabdyqtalǵan.
Qalalar men aýdan ortalyqtaryndaǵy mektepter, iaǵni 181 bilim uiymdary mamandandyrylǵan kúzet qyzmetimen kúzetiledi. 113 mekteptegi beinebaqylaý ishki ister organdarynyń jedel basqarý Ortalyǵyna qosylǵan. 181 mektepte dabyl túimeleri men týrniketter ornatylǵan.
