ShQO-da virýsqa qarsy dárilik preparattardyń jetkilikti qory bar
2019 jyldyń epidemiialyq maýsymynda JRVI men tumaýdyń 12, 6 myń jaǵdaiy tirkeldi. 2020 jyly bul kórsetkish 6,4 myńdy qurady. Osylaisha, atalǵan aýrýlardy emdeýge arnalǵan virýsqa qarsy preparattar eń pessimistik boljamdardy eskersek 2021 jáne 2022 jyldardaǵy 2 epidmaýsymǵa jetkilikti kólemde.
Densaýlyq saqtaý basqarmasy atap ótkendei, koronovirýstyq infektsiiany emdeýdiń klinikalyq hattamasy aiasyndaǵy dárilik preparattar boiynsha: oblysta Nadroparin, Kleksan, Arikstra, Geparin, Rivaroksaban antikoagýliantty preparattary, virýsqa qarsy Remdesivir preparaty, soynmen qatar gliýkokortikosteroidty jáne vazopressorly preparattar bar.
Tósek oryndar tolyq tolǵan jaǵdaida antikoagýlianttar qory 24 kúnge, gliýkokortikosteroidtar – 45 kúnge jetedi. Reanimatsiialyq bólimshelerge túsken patsientter úshin vazopressorlyq preparattar sany 23 kúnge, inotropty preparattar – 40 kúnge jetkilikti.
Málimetter búgingi kúni meditsinalyq uiymdardaǵy qolda bar dári-dármek negizinde jasalyp otyr. Buǵan qosa árbir meditsinalyq uiymda jyl sońyna deiin preparattardy jetkizý kestesi bar.
Aýrýhanalardaǵa tósek oryndardyń bir mezette tolmaitynyn eskersek qolda bar dári-dármekter 30 kúndik merzimge jetkilikti. Densaýlyq basqarmasy qajettilik týǵan jaǵdaida «SK-Farmatsiia»-nyń biryńǵai distribiýteri arqyly jetkizý merzimine túzetý engizip, qosymsha preparattardy 10-14 kúnde jetkizý qarastyrylatynatap ótti. . Dárilik zattardy satyp alý boiynsha barlyq shyǵyndar jyldyq qarjylandyrý aiasynda meditsinalyq uiymdarǵa bólingen.
