Óńirde UOS ardagerlerine qurmet kórsetý, erlikterin ulyqtaý, eske alý is-sharalary jeńis kúniniń aldynda, birneshe kún buryn bastaldy. Mereke qarsańynda Keńes zamanynda birneshe ret batyr ataǵyna usynylǵan qazaqstandyqtar el Prezıdenti Q.Toqaevtyń Jarlyǵymen qaıtys bolǵannan keıin eń joǵary memlekettik nagradamen marapattaldy.
Olardyń arasynda 1934 jyly Zyrán aýdanynda (qazirgi Altaı aýdany) Zyrán aýdandyq áskerı komısarıatymen Qyzyl áskerge shaqyrylǵan Aleksandr Nesmeıanov ta bar. Ol Keńes Odaǵynyń Batyry ataǵyna úsh ret usynylyp, biraq ártúrli sebeptermen marapattar berilmegen edi. Sonymen qatar, Memleket basshysynyń Jarlyǵymen 1941-1945 jj. Uly Otan soǵysynda kórsetken erligi men batyrlyǵy úshin joǵary dárejeli "Halyq qaharmany" ataǵy berilip, jaýyngerlik erlikteri úshin Altyn juldyz ben "Otan" ordeni marapattalǵan, SHQO Jarma aýdanynyń týmasy, 8-shi gvardıalyq atqyshtar polki 302-shi gvardıalyq atqyshtar rotasynyń mergeni Tóleýǵalı Ábdibekovke berildi.
Bul oqıǵa Qazaqstannyń batyrlarǵa degen erekshe qurmettiń belgisindeı boldy. UOS bir jarym mıllıonnan astam qazaqstandyq jaýǵa qarsy shaıqasyp, 610 myń otandasymyz maıdan dalasynda qaza tapty.Soǵysqa attanǵandarly teń jartysy qaıtpady. Erliktiń úlgisi bolǵan jandarly aımaq basshysy Danıal Ahmetov merekemen quttyqtap, Rıdder qalasyndaǵy ardager Pavel Prokofevıch Albohanyń shańyraǵynda boldy. Pavel Prokofevıch jas serjant - ushaqtardaǵy baılanys radıojabdyǵy mehanıginen bastap, "Jaýyngerlik eńbegi úshin" jáne "Germanıany jeńgeni úshin"medaldarynyń ıegerine deıin uzaq soǵys jolynan ótti. Sonymen qatar Semeıde oblys ákimi tyl eńbekkeri Rashıd Hasanovty jáne ardagerler Matveı Iýrchenko men Asqar Rahımbaevty quttyqtady.
Al Óskemen qalasynda Lıtva jáne Belarýs respýblıkalaryn azat etýge qatysqan Qurmat Rahımovqa baryp, ardagerge qurmet kórsetse, 17 jasynda qan maıdanǵa attanǵan jáne Nemis-Lıtva bandalaryn joıýǵa qatysqan ardager Stepan Mıshınniń shańyraǵynda bolyp, merekemen qutyqtady. Jaqynda ǵasyr toıyn atap ótken tyl eńbekkeri Anna Labkova da nazardan tys qalmady. Soǵys jyldarynda kúni-túni eńbek etti. "UOS jyldaryndaǵy eren eńbegi úshin" medalimen marapattalǵan. Masara Nurǵazına. Ol qazir muǵalim jáne aqyn retinde tanymal, al soǵys jyldarynda ol tylda adal eńbek etken jandardyń biri. Búginde olardyń barlyǵy 1,5 mıllıon teńgeden, sondaı-aq syılyqtar men turmystyq tehnıkalar tabys etildi. Óńir basshysy "qazirgi beıbit kúnde ómir súrýimiz úshin ázız janyn aıamaı, jaýmen soǵysqan ardagerlerdi qoldaý, kómek kórsetý bizdiń qasıetti paryzymyz. Jeńis kúni-árbir otbasyna qatysty mereke. Sondyqtan biz úshin bul baǵa jetpes.
Maıdan dalasynda soǵysyp, tylda jumys istegenderdiń báriniń erligi ereń, eshqashanla umytylmaıdy. Bizdiń ardagerlerimizdiń batyldyǵy, tabandylyǵy, eńbekqorlyǵy men patrıotızmi - qazirgi jastar úshin laıyqty úlgi. Osy mereke kúni olarǵa densaýlyq pen uzaq ǵumyr tileımin! Barlyq shyǵysqazaqstandyqtardy Jeńis kúnimen quttyqtaımyn, ár otbasynda beıbitshilik, kelisim jáne amandyq bolsyn"dedi oblys ákimi Danıal Ahmetov. Eske sala keteıik, prezıdent Qasym-Jomart Toqaevtyń pármenimen SHQO-da UOS 42 qatysýshysy men múgedekterine 1,5 mln.teńgeden aldy. 10 754 ardager, olarǵa teńestirilgen jáne eńbek ardagerleri úshin tólemderdiń jalpy somasy 630 500 myń teńgeni quraıdy. Sondaı-aq, oblys ákimdigi marapattalǵan tyl eńbekkerlerine, UOS qatysýshylary men múgedekteriniń jesirlerine, konslagerlerdiń burynǵy kámeletke tolmaǵan tutqyndaryna, blokada kezinde jumys istegen adamdarǵa jáne Keńes Armıasynyń erikti jaldama quramyna 100 myń teńgeden tóleýdi josparlap otyr. Sonymen qatar, marapattalmaǵan tyl eńbekkerleri 50 myń teńgeden aldy. Jeńis kúnin syılaǵan barlyq jandarǵa mereke kúni qurmet kórsetildi.
