Búginde koronavırýs elimizdiń áleýmettik-ekonomıkalyq damýyna biraqatar qıyndyqtar týǵyzyp otyrǵany jasyryn emes. Munyń ár oblys sezinýde. Desek te Shyǵys Qazaqstan oblysy qıyndyqtardy eńserýge qatysty naqty sharalar qabyldap, áleýmettik-ekonomıkalyq jaǵdaıdy damytýǵa barynsha kúsh salynýa. Bizdiń bul sózimizge jyl basynan beri óńirdiń áleýmettik-ekonomıkalyq kórsetkishinde oń ózgeristerdiń baıqalýy sózimizge aıqyn dálel bolaldy. Endi osyny az-kem tarqatyp aıtsaq.

– Óndiris salasyndaǵy ónim óndirý kólemi jyl basynan beri 100,4 paıyzǵa ulǵaısa, aýyl sharýashylyǵy salasy 102,2 paıyzǵa, negizgi kapıtalǵa salynǵan ınvestısıa 105,2 paıyzǵa, qurylys jumystary 113,4 paıyzǵa artty. Jyl basynan beri oblys boıynsha 184 myń sharshy/metr turǵyn úı salynyp, kórsetkish 105,4 paıyzdy qurady, – dep SHQO ákimi Danıal Ahmetov ekonomıkalyq damý jaıynda aıtqan bolatyn.

Statısıkalyq málimetterge kóz júgirtsek, óńirdegi halyqty kiris kózi 107 paıyzǵa ulǵaıyp, jumyssyzdyq deńgeıi 4,8 paıyzdy quraǵan. Osy rette óńirdegi negizgi kúsh ındýstrıalandyrý saıasatyna baǵyttalyp, óńir ekonomıkasyn ártaraptandyrý isi qarqyndy júrip jatyr.

Óz kezeginde Danıal Ahmetov óńdeý salasyndaǵy básekege qabelttilik jańa tehnologıalar men sıfrlandyrýdyń negizinde júrgende kez kelgen kásiporynnyń óndirgen ónimi ishki jáne álemdik naryqta ótimdi bolatynyn udaı aıtyp keledi.

Bıyldyń ózinde ındýstrıaldy-ınnovasıalyq damý baǵdarlamasy negizinde júzege asatyn jobalarǵa 40 mlrd teńge bólingen. Bul jobalardyń arasynda «GRK MLD» JSHS qarasty «Qarshyǵa» kenishindegi ken óndirý isi men KAZ Minerals PLC kompanıasynyń «Aqtoǵaı-2» ken baıytý fabrıkasyn salý isi oblys úshin mańyzy zor bolyp tur.

Al «Qarapaıym zattar ekonomıkasy» boıynsha 258 jobaǵa jeńildetilgen neseler berý boıynsha 64,4 mlrd teńge baǵyttalyp otyr. Kúni búginge deıin 168 joba qarjylandyrý úshin 11,7 mlrd teńge bólingenin aıta ketýimiz kerek. Al quny 42,1 mlrd teńgege baǵalanǵan tórt joba boıynsha qazir qujattary jınaqtalýda. Al quny 6 mlrd teńge bolatyn 49 jobany qarjylandyrý máselesin qarjy ınstıtýttary qarastyryp jatyr.

İri jobalarǵa «Qazaq astyq Group» kompanıasynyń kúnbaǵys, raps jáne soıadan maı óndirý, «Rýlıha» seriktestiginiń 600 bas asyl tuqymdy iri qara fermasyn qurý jáne «Eko-Orman» JSHS-nyń aǵash óńdeý isine qatysty jobalaryn atap aıtýǵa bolady.

– Qazirgi tańda oblysta aýyl sharýashylyǵy salasy qarqyndy damyp keledi. Bul rette taýarly sút fermalaryn qurý mańyzdy baǵytqa aınalyp otyr. Sońǵy bes jylda bul salaǵa salynǵan ınvestısıanyń kólemi 17 ese artyp, halyqtan sút satyp alý isi qalyptasty. Osylaısha sút satyp alý 240,5 mln teńgeden 4,1 mlrd teńgege deıin ulǵaıdy, – dedi óńir basshysy.

Qazirgi tańda sút fermalaryn qurýda SHQO aldyńǵy orynda keledi. Sońǵy jyldary óńirdegi sút fermalarynyń júktemesi 29%-dan 75%-ǵa ulǵaıǵany bizdiń sózimizge aıqyn dálel bola alady.