ShQO-da stýdent-jastar Táýelsizdik kúnine orai aýqymdy kontsert uiymdastyrdy
Sársen Amanjolov atyndaǵy Shyǵys Qazaqstan ýniversitetiniń qonaqtaryna táýelsiz, egemen eldiń qalyptasý joly týraly kontserttik baǵdarlama kórsetildi, – dep habarlaidy Dalanews.kz S.Amanjolov atyndaǵy ShQÝ baspasóz qyzmetine silteme jasap.
Kontserttik baǵdarlamanyń qonaqtary qatarynda QR Sybailas jemqorlyqqa qarsy is-qimyl agenttiginiń ShQO boiynsha departamenti basshysy Erlan Jalmaǵambetov, ShQO bas imamy Ermek Muqatai, Óskemen qalasynyń prokýrory Erlan Bulanbaev, QR Sybailas jemqorlyqqa qarsy is-qimyl Agenttiginiń ShQO boiynsha departamentiniń birinshi orynbasary Jiger Baidildin, Óskemen qalasynyń máslihat depýtaty Arailym Esimbekova bar.
Merekelik is-shara barysynda Qazaqstan Respýblikasy Táýelsizdiginiń 30 jyldyǵy jáne halyqaralyq sybailas jemqorlyqqa qarsy kúres kúni aiasynda baiqaýǵa qatysqan stýdentterdiń úgit-nasihat plakattary kórsetildi. Sondai-aq, stýdentter arasynda "Meniń sybailas jemqorlyqqa qarsy sózim" atty úzdik esse baiqaýy ótti. Uiymdastyrýshylardyń sózinshe, baiqaýda 60-tan astam jumys synaldy. Stýdentter óz týyndylary arqyly bolashaǵyna sybailas jemqorlyq qaýpi tónýi múmkin ekenin kórsetýge tyrysty. Jeńimpazdar aqshalai syilyqtarmen marapattaldy
Odan ári is-shara kontserttik baǵdarlamamen jalǵasty. Sharada Amanzholov University rektory Muhtar Tólegenov quttyqtaý sóz sóiledi.
– Kún saiyn biz memleketimizdiń qarqyndy damyp kele jatqanya kýá bolyp júrmiz. Elimiz damýdyń dańǵyl jolyna túsip, qazaq halqynyń bostandyq týraly ǵasyrlyq armandaryn júzege asyrdy. Halyq alǵash ret óziniń mádeni murasy men dástúrlerin damytýǵa múmkindik aldy. Búginde respýblikanyń árbir azamaty óz táýelsizdigin maqtan tutady. Tuńǵysh Prezident Nursultan Nazarbaevtyń kóregen syndarly saiasatynyń jáne barsha qazaqstandyqtardyń yntymaqty eńbeginiń arqasynda elimizde jalpyulttyq ideianyń mańyzdy quramdas bóligine, qoǵamdaǵy kelisimniń negizine ainalǵan keń aýqymdy reformalar men qaita qurýlar tabysty júrgizildi. Men JOO-nyń sońǵy úsh jyldaǵy jetistikterine toqtalǵym keledi. Ýniversitette bilim alatyn stýdentter sany eki esege artyp, sany 8 myńǵa deiin ósti. Ýniversitettiń 70 jyldyq tarihynda alǵash ret Qazaqstan Respýblikasy Qorǵanys ministriniń buiryǵymen Qabanbai batyr atyndaǵy áskeri kafedrany ashtyq. Jyl saiyn áleýmettik jaǵdai jaqsaryp kele jatqandyǵyn aitqym keledi. Barshańyzdy merekemen shyn júrekten quttyqtaimyn, – dedi S.Amanjolov atyndaǵy Shyǵys Qazaqstan memlekettik ýniversitetiniń rektory Muhtar Tólegen.
Amanzholov University stýdentteri óz bileri, ánderderi, óleńderi arqyly Táýelsizdiktiń qalyptasý jolyn kórsetýge tyrysty. Sondai-aq, nómirlerde Qazaqstan Respýblikasynyń Tuńǵysh Prezidenti-Elbasy Nursultan Nazarbaevtyń dana kóregen saiasatynyń arqasynda el otyz jyl ishinde zamanaýi ekonomikasy bar tabysty memleket bolyp, tutastyqty, halyqtyń birligin saqtai alǵanyn kórsetti. Kópshilikke Abai Qunanbaevtyń sahnalyq beinesi usynylyp, sahnadan uly oishyldyń sózderi oqyldy. Akademiialyq utqyrlyq aiasynda Amanzholov University-ge kelgen álemdik deńgeidegi hor mýzykasy salasyndaǵy iri sarapshy Rasa Gelgotiene stýdenttermen birge "Vei, veterok" latysh halyq ánin oryndady.
Aýqymdy kontserttiń qonaqtary Sársen Amanjolov atyndaǵy Shyǵys Qazaqstan ýniversitetiniń stýdentteri men ujymyna alǵystaryn bildirdi.
- Memlekettiń áleýmettik saiasatynyń negizgi basymdyqtarynyń biri – ǵylym men bilim sapasyn arttyrý jáne damytý. Sizderdiń ýniversitetterińiz jyl saiyn damyp kele jatqanyn kórý óte qýanyshty jáit. Barshańyzǵa aldaǵy ýaqytta tabys pen baq-bereke tileimin,- dedi QR Sybailas jemqorlyqqa qarsy is-qimyl agenttiginiń Shyǵys qazaqstan oblysy boiynsha departamentiniń basshysy Erlan Jalmaǵambetov.
Merekelik shara aiasynda oqý ornynyń professorlyq-oqytýshylyq quramy Qazaqstan Respýblikasy Bilim jáne ǵylym ministrliginiń alǵys hattarymen, qurmet gramotalarymen, "Qazaqstan Táýelsizdigine 30 jyl" jáne Sársen Amanjolov atyndaǵy medalmen marapattaldy.
