كونسەرتتىك باعدارلامانىڭ قوناقتارى قاتارىندا ق ر سىبايلاس جەمقورلىققا قارسى ءىس-قيمىل اگەنتتىگىنىڭ شقو بويىنشا دەپارتامەنتى باسشىسى ەرلان جالماعامبەتوۆ، شقو باس يمامى ەرمەك مۇقاتاي، وسكەمەن قالاسىنىڭ پروكۋرورى ەرلان بۇلانبايەۆ، ق ر سىبايلاس جەمقورلىققا قارسى ءىس-قيمىل اگەنتتىگىنىڭ شقو بويىنشا دەپارتامەنتىنىڭ ءبىرىنشى ورىنباسارى جىگەر ءبايدىلدين، وسكەمەن قالاسىنىڭ ءماسليحات دەپۋتاتى ارايلىم ەسىمبەكوۆا بار.
مەرەكەلىك ءىس-شارا بارىسىندا قازاقستان رەسپۋبليكاسى تاۋەلسىزدىگىنىڭ 30 جىلدىعى جانە حالىقارالىق سىبايلاس جەمقورلىققا قارسى كۇرەس كۇنى اياسىندا بايقاۋعا قاتىسقان ستۋدەنتتەردىڭ ۇگىت-ناسيحات پلاكاتتارى كورسەتىلدى. سونداي-اق، ستۋدەنتتەر اراسىندا "مەنىڭ سىبايلاس جەمقورلىققا قارسى ءسوزىم" اتتى ۇزدىك ەسسە بايقاۋى ءوتتى. ۇيىمداستىرۋشىلاردىڭ سوزىنشە، بايقاۋدا 60-تان استام جۇمىس سىنالدى. ستۋدەنتتەر ءوز تۋىندىلارى ارقىلى بولاشاعىنا سىبايلاس جەمقورلىق ءقاۋپى ءتونۋى مۇمكىن ەكەنىن كورسەتۋگە تىرىستى. جەڭىمپازدار اقشالاي سىيلىقتارمەن ماراپاتتالدى
ودان ءارى ءىس-شارا كونسەرتتىك باعدارلامامەن جالعاستى. شارادا Amanzholov University رەكتورى مۇحتار تولەگەنوۆ قۇتتىقتاۋ ءسوز سويلەدى.
– كۇن سايىن ءبىز مەملەكەتىمىزدىڭ قارقىندى دامىپ كەلە جاتقانىا كۋا بولىپ ءجۇرمىز. ەلىمىز دامۋدىڭ داڭعىل جولىنا ءتۇسىپ، قازاق حالقىنىڭ بوستاندىق تۋرالى عاسىرلىق ارماندارىن جۇزەگە اسىردى. حالىق العاش رەت ءوزىنىڭ مادەني مۇراسى مەن داستۇرلەرىن دامىتۋعا مۇمكىندىك الدى. بۇگىندە رەسپۋبليكانىڭ ءاربىر ازاماتى ءوز تاۋەلسىزدىگىن ماقتان تۇتادى. تۇڭعىش پرەزيدەنت نۇرسۇلتان نازاربايەۆتىڭ كورەگەن سىندارلى ساياساتىنىڭ جانە بارشا قازاقستاندىقتاردىڭ ىنتىماقتى ەڭبەگىنىڭ ارقاسىندا ەلىمىزدە جالپىۇلتتىق يدەيانىڭ ماڭىزدى قۇرامداس بولىگىنە، قوعامداعى كەلىسىمنىڭ نەگىزىنە اينالعان كەڭ اۋقىمدى رەفورمالار مەن قايتا قۇرۋلار تابىستى جۇرگىزىلدى. مەن جوو-نىڭ سوڭعى ءۇش جىلداعى جەتىستىكتەرىنە توقتالعىم كەلەدى. ۋنيۆەرسيتەتتە ءبىلىم الاتىن ستۋدەنتتەر سانى ەكى ەسەگە ارتىپ، سانى 8 مىڭعا دەيىن ءوستى. ۋنيۆەرسيتەتتىڭ 70 جىلدىق تاريحىندا العاش رەت قازاقستان رەسپۋبليكاسى قورعانىس ءمينيسترىنىڭ بۇيرىعىمەن قابانباي باتىر اتىنداعى اسكەري كافەدرانى اشتىق. جىل سايىن الەۋمەتتىك جاعداي جاقسارىپ كەلە جاتقاندىعىن ايتقىم كەلەدى. بارشاڭىزدى مەرەكەمەن شىن جۇرەكتەن قۇتتىقتايمىن، – دەدى س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ رەكتورى مۇحتار تولەگەن.
Amanzholov University ستۋدەنتتەرى ءوز بيلەرى، اندەردەرى، ولەڭدەرى ارقىلى تاۋەلسىزدىكتىڭ قالىپتاسۋ جولىن كورسەتۋگە تىرىستى. سونداي-اق، نومىرلەردە قازاقستان رەسپۋبليكاسىنىڭ تۇڭعىش پرەزيدەنتى-ەلباسى نۇرسۇلتان نازاربايەۆتىڭ دانا كورەگەن ساياساتىنىڭ ارقاسىندا ەل وتىز جىل ىشىندە زاماناۋي ەكونوميكاسى بار تابىستى مەملەكەت بولىپ، تۇتاستىقتى، حالىقتىڭ بىرلىگىن ساقتاي العانىن كورسەتتى. كوپشىلىككە اباي قۇنانبايەۆتىڭ ساحنالىق بەينەسى ۇسىنىلىپ، ساحنادان ۇلى ويشىلدىڭ سوزدەرى وقىلدى. اكادەميالىق ۇتقىرلىق اياسىندا Amanzholov University-گە كەلگەن الەمدىك دەڭگەيدەگى حور مۋزىكاسى سالاسىنداعى ءىرى ساراپشى راسا گەلگوتيەنە ستۋدەنتتەرمەن بىرگە "ۆەي، ۆەتەروك" لاتىش حالىق ءانىن ورىندادى.
اۋقىمدى كونسەرتتىڭ قوناقتارى سارسەن امانجولوۆ اتىنداعى شىعىس قازاقستان ۋنيۆەرسيتەتىنىڭ ستۋدەنتتەرى مەن ۇجىمىنا العىستارىن ءبىلدىردى.
- مەملەكەتتىڭ الەۋمەتتىك ساياساتىنىڭ نەگىزگى باسىمدىقتارىنىڭ ءبىرى – عىلىم مەن ءبىلىم ساپاسىن ارتتىرۋ جانە دامىتۋ. سىزدەردىڭ ۋنيۆەرسيتەتتەرىڭىز جىل سايىن دامىپ كەلە جاتقانىن كورۋ وتە قۋانىشتى ءجايت. بارشاڭىزعا الداعى ۋاقىتتا تابىس پەن باق-بەرەكە تىلەيمىن،- دەدى ق ر سىبايلاس جەمقورلىققا قارسى ءىس-قيمىل اگەنتتىگىنىڭ شىعىس قازاقستان وبلىسى بويىنشا دەپارتامەنتىنىڭ باسشىسى ەرلان جالماعامبەتوۆ.
مەرەكەلىك شارا اياسىندا وقۋ ورنىنىڭ پروفەسسورلىق-وقىتۋشىلىق قۇرامى قازاقستان رەسپۋبليكاسى ءبىلىم جانە عىلىم مينيسترلىگىنىڭ العىس حاتتارىمەن، قۇرمەت گراموتالارىمەن، "قازاقستان تاۋەلسىزدىگىنە 30 جىل" جانە سارسەن امانجولوۆ اتىنداعى مەدالمەن ماراپاتتالدى.
