Búginde jobaǵa qatysý úshin 25 bala aldyn ala ótinim bergen. Joba boiynsha Óskemende – 12, Ridderde – 3, Shemonaihada – 3, Glýbokoede –4, Altaida – 3 bala jobaǵa qatysyp, til syndyratyn bolady.
Sonymen qatar, balalarǵa ólkeniń tarihyn, qazaq halqynyń salt-dástúrlerin bilýge, qazaq halyq aspaptarynda oinaýǵa, jergilikti kórikti jerler men tarihi eskertkishterge barýǵa múmkindik beretin baǵdarlama daiyndaldy.
ShQO Bilim basqarmasynyń aqparaty boiynsha, mazmundy bólikten basqa balalardyń qaýipsizdikti qamtamasyz etýdiń barlyq sharalary qarastyrylǵan. Aýdan ákimdikteri 20 mamyrdan 1 shildege deiin jumys isteitin arnaiy shtab quraǵan. Shtabtyń mindeti balalardyń qonaq otbasynda bolǵan kezde qaýipsiz jaǵdailaryn qamtamasyz etý bolyp tabylady.
Jobaǵa osy aýyldarda turatyn pedagogikalyq kolledjder men joǵary oqý oryndarynyń stýdentteri qatarynan eriktiler tartylmaqshy.
– Osy paidaly tájiribeden ótkennen keiin jastar bolashaqta olar ózderiniń osyndai jobalardy uiymdastyrýyna múmkindik alady, – deidi jobany uiymdastyrýshylar.
Jobada belgili bir tildik bilimi men sózdik qory bar 12 jastan 14 jasqa deiingi balalar qatysady. Til úirenýdi maqsat tutqan árbir balany qabyldaityn otbasyǵa 180 myń teńgeden aqy tólenetin bolady.
Balalardyń alǵashqy legi biylǵy jyldyń jazynda Katonqaraǵai aýdanynyń qonaqjai otbasylaryna qonystanady. Olardyń turý úshin úsh aýyl anyqtaldy. Olar – Katonqaraǵai, Órel jáne Berel.
Sonymen qatar, is-qimyl algoritmi daiyndaldy, oǵan sáikes bul otbasylar sáýir aiynyń sońyna deiin muqiiat tekserýden ótedi. 12 mamyrǵa deiin bilim bólimi, balalardyń ata-analary jáne qabyldaýshy otbasylar arasynda úsh jaqty sharttar jasalatyn bolady.
Barlyq balalar qonaq otbasylaryna 10-30 maýsym aralyǵynda bir ýaqytta barady.
Aita keteiik, ata-analar ShQO bilim basqarmasy janynan koll-ortalyǵynan balalardy qonaqjai otbasylaryna jiberýge qatysty tolyq aqparat ala alady.
