Shyǵys Qazaqstan oblysyna qarasty Qasym Qaisenov kentinde jańa úsh qabatty zamanaýi emhananyń qurylysy júrgizilip jatyr. Qazirgi ýaqytta qurylys jumystarynyń 70%-y aiaqtalǵan,- dep habarlaidy Dalanews.kz
Oblystyq qurylys basqarmasynyń málimetine súiensek, nysandy paidalanýǵa berý 2025 jyldyń qarasha aiyna josparlanǵan. Jańa meditsinalyq mekeme kúnine 150 adamdy qabyldaýǵa qaýqarly bolady. Munda keńes berý-diagnostikalyq jáne aldyn alý bólimsheleri, sondai-aq kúndizgi statsionar palatalary qarastyrylǵan.
Jańa emhana Ulan aýdanynyń turǵyndaryna qyzmet kórsetetin bolady. Qazirgi tańda emhanaǵa tirkelgen halyq sany 29 498 adamdy quraidy.
"Qurylys jumystary josparǵa sáikes júrgizilýde. Biz bul áleýmettik mańyzy zor jobanyń sapaly ári merziminde aiaqtalýyn qamtamasyz etýge jaýaptymyz. Búginde ǵimaratqa jylý júiesi men sýmen jabdyqtaý júiesi tartyldy, terezeler men esikterdi ornatý jumystary jalǵasýda. Sondai-aq qabyrǵalar men edenderdi qaptaý boiynsha árleý júrip jatyr. Kóktemde meditsinalyq mekeme ainalasyn abattandyrý bastalady", — dep málimdedi merdiger uiym ókilderi.
Jańa emhananyń múmkindikteri keń bolmaq. Munda fliýorografiia, rentgen, mammografiia, endoskopiia kabinetteri, sondai-aq meditsinadaǵy ár sala mamandarynyń kabinetteri (otorinolaringolog, oftalmolog, dermatolog, nevropatolog, kardiolog, onkolog, akýsher-ginekolog, hirýrg, travmatolog, ftiziatr, jalpy tájiribelik dárigerler) jumys isteitin bolady.
Sonymen qatar, zerthanalyq diagnostika bólimi de ashylyp, onda mikrobiologiialyq, serologiialyq jáne jalpy klinikalyq zertteýler júrgiziledi.
Jańa emhana Ulan aýdany turǵyndary úshin meditsinalyq qyzmetterdiń qoljetimdiligin arttyryp, sapaly ári zamanaýi meditsinalyq kómek kórsetýge múmkindik beredi.
