ShQO-da oqýshylar oqýlyqpen tolyqtai qamtamasyz etiledi
Óńir mektepterin jańartylǵan bilim berý mazmunyna kóshirýge barlyq jaǵdai jasalǵan. Bul jaily ShQO ákimi Danial Ahmetovtiń qatysýymen ótken dástúrli tamyz konferentsiiasynda aityldy.
– Jańartylǵan mazmunda bilim berý boiynsha 23 myń muǵalim bilimin jetildirip, 1,5 mln oqýlyq satyp alynǵan. Oqýshylar 100% jańa oqýlyqpen qamtamasyz etiledi, – dedi aimaq basshysy.
ShQO bilim basqarmasynyń basshysy Sairangúl Jumadilovanyń aitýynsha, biyl 11-synyp oqýshylary jańa formatta bilim alady. Atap aitsaq, «Kásipkerlik negizderi jáne biznes», «Grafika jáne dizain», «Alǵashqy áskeri-tehnikalyq daiyndyq» pánderi engiziledi. 9,11 synyptar jańa formatta qorytyndy attestatsiia tapsyrmaq.
Sonymen qatar jańa formattaǵy bilim berý júiesine sáikes úshtildilikke de basa nazar aýdarylýda. Biyl kóptildilik baǵdarlamasy boiynsha nemis jáne frantsýz tilderi oqytylmaq.
Jańa baǵdarlamany júzege asyrý maqsatynda 1 myńnan astam muǵalim arnaiy kýrstan ótti. Nátijesinde, pedagogterdiń til meńgerý ádistemesiniń deńgeii 80-nen 89% artty. Aldaǵy eki jyldyń ishinde 2650 pedagogtiń biliktiligin arttyrý josparlanyp otyr.
