2023 jyly "Altaı" kóterme-taratý ortalyǵy qurylysy aıaqtalady. Ol shaǵyn jáne orta aýyl sharýashylyǵy qurylymdary úshin deldalsyz saýdaǵa qoljetimdilikti qamtamasyz etedi.
Jalpy, aýyl sharýashylyǵy sýbektilerin qoldaý agroónerkásiptik keshendi damytýdyń memlekettik baǵdarlamasy sheńberinde júzege asyryldy. Tek osy jyldyń ózinde Shyǵys Qazaqstanda 33 mlrd teńgege jýyq sýbsıdıa bólindi. Onyń ishinde ósimdik sharýashylyǵyn damytýdy sýbsıdıalaýǵa – 5,6 mlrd teńge, mal sharýashylyǵyna – 13,6 mlrd teńge, qaıta óńdeý salasyna – 515,5 mln teńge berildi. Basqa baǵyttarǵa bólingen sýbsıdıa kólemi 13,1 mlrd teńgeden asty.
Oblystyń aýyl sharýashylyǵyna 2020 jylǵa qaraǵanda 1,7 ese artyq nemese 55 mlrd teńge ınvestısıa salyndy.
Bıyl agroónerkásiptik keshenniń birqatar iri jobalary iske asyryldy. Osylaısha, «Jańartaý KZ» JSHS etti mal sharýashylyǵy baǵytyndaǵy jumysty damytýda. Jobanyń quny 96,5 mln teńgeni qurady. Bul qarajat mal satyp alýǵa jumsaldy. Altaı aýdanyndaǵy «Sannur Agro» JSHS, Aıagóz aýdanyndaǵy «Erkebulan», «Qabanbaı» sharýa qojalyqtary, Besqaraǵaı aýdanyndaǵy «Qalıqanuly», Jarma aýdanyndaǵy «Sarybas», Kúrshim aýdanyndaǵy «Aryn», Tarbaǵataı aýdanyndaǵy «Jánibek», «Bastaý», «Yqybaı», Abaı aýdanyndaǵy «ARYSTAN» sharýa qojalyqtary, sondaı-aq Shemonaıha aýdanyndaǵy «Rýlıha» JSHS etti jáne sútti baǵyttaǵy iri qara maldaryn satyp aldy. Jobalar jergilikti turǵyndardy jumyspen qamtýǵa múmkindik berdi.
«SEMEY QUS» JSHS qus fabrıkasy aǵymdaǵy jyldyń sáýir aıynan bastap 1, 2 jáne 3 sanattaǵy taýarlyq jumyrtqa óndirisin bastady. Jyl basynan beri 8 mln. jumyrtqa óndiriledi. Josparlanǵan eki iri maı ekstraksıalyq zaýyttardyń ishinen qýaty 300 myń tonna «QazaqAstyqGroup» JSHS paıdalanýǵa berildi. Glýbokoe aýdanynyń Predgornoe aýylyndaǵy ekinshi kombınat «Altyn Shyghys» JSHS jumysy kelesi jyly aıaqtalatyn bolady. Jobalardy iske qosý maı-tuqymdaryn óńdeý kólemin jylyna 600 myń tonnaǵa, al tolyq qýatqa shyqqannan keıin 1 mln tonnaǵa deıin ulǵaıtýǵa múmkindik beredi.
«UrdzharAgroCompany» JSHS, «Elimaı Kókpekti» JSHS, «Agrofırma Prırechnoe» JSHS, «Ýkraınka» JSHS, «Qalıqanuly» sharýa qojalyǵy 2,8 myń gektar alańda sýarý júıeleriniń qurylysy boıynsha 2,8 mlrd teńgege bes iri joba iske asyryldy.
Ulan aýdanynda «Kókjal» Sh/Q, Tarbaǵataı aýdanynda «AsylAgro-7» JSHS, «Máýlit» Sh/Q-da jeti myń bas iri qara malǵa arnalǵan úsh bordaqylaý alańynyń qurylysy aıaqtalýda. Taǵy bir bordaqylaý alańy Glýbokoe aýdanynyń «Ertis» JSHS paıdalanýǵa berildi.
Kúrshim aýdanynda «Saıat» sharýa qojalyǵynyń 100 basqa arnalǵan sút-taýar fermasynyń qurylysy aıaqtaldy. Al Borodýlıha aýdanynyń «Krasnyı Partızan» sharýa qojalyǵynda astyq keptirý kesheni salyndy. Glýbokoe aýdanynda «Maıly daqyldardyń tájirıbelik sharýashylyǵy» JSHS óndirisinde maıly daqyldardyń 20 myń tonnalyq astyq qoımasy salyndy, sondaı-aq qýattylyǵy saǵatyna alty tonnadan bastalatyn qurama jem sehyn keńeıtý boıynsha jumystar júrgizildi.
Kásiporyndardy iske qosý óńdelgen aýyl sharýashylyǵy ónimderiniń eksportyn tórt ese ulǵaıtýǵa múmkindik beredi.
