2023 جىلى "التاي" كوتەرمە-تاراتۋ ورتالىعى قۇرىلىسى اياقتالادى. ول شاعىن جانە ورتا اۋىل شارۋاشىلىعى قۇرىلىمدارى ءۇشىن دەلدالسىز ساۋداعا قولجەتىمدىلىكتى قامتاماسىز ەتەدى.
جالپى، اۋىل شارۋاشىلىعى سۋبەكتىلەرىن قولداۋ اگروونەركاسىپتىك كەشەندى دامىتۋدىڭ مەملەكەتتىك باعدارلاماسى شەڭبەرىندە جۇزەگە اسىرىلدى. تەك وسى جىلدىڭ وزىندە شىعىس قازاقستاندا 33 ملرد تەڭگەگە جۋىق سۋبسيديا ءبولىندى. ونىڭ ىشىندە وسىمدىك شارۋاشىلىعىن دامىتۋدى سۋبسيديالاۋعا – 5،6 ملرد تەڭگە، مال شارۋاشىلىعىنا – 13،6 ملرد تەڭگە، قايتا وڭدەۋ سالاسىنا – 515،5 ملن تەڭگە بەرىلدى. باسقا باعىتتارعا بولىنگەن سۋبسيديا كولەمى 13،1 ملرد تەڭگەدەن استى.
وبلىستىڭ اۋىل شارۋاشىلىعىنا 2020 جىلعا قاراعاندا 1،7 ەسە ارتىق نەمەسە 55 ملرد تەڭگە ينۆەستيسيا سالىندى.
بيىل اگروونەركاسىپتىك كەشەننىڭ ءبىرقاتار ءىرى جوبالارى ىسكە اسىرىلدى. وسىلايشا، «جاڭارتاۋ كز» ج ش س ەتتى مال شارۋاشىلىعى باعىتىنداعى جۇمىستى دامىتۋدا. جوبانىڭ قۇنى 96،5 ملن تەڭگەنى قۇرادى. بۇل قاراجات مال ساتىپ الۋعا جۇمسالدى. التاي اۋدانىنداعى «ساننۇر اگرو» ج ش س، اياگوز اۋدانىنداعى «ەركەبۇلان»، «قابانباي» شارۋا قوجالىقتارى، بەسقاراعاي اۋدانىنداعى «قاليقان ۇلى»، جارما اۋدانىنداعى «سارىباس»، كۇرشىم اۋدانىنداعى «ارىن»، تارباعاتاي اۋدانىنداعى «جانىبەك»، «باستاۋ»، «ىقىباي»، اباي اۋدانىنداعى «ARYSTAN» شارۋا قوجالىقتارى، سونداي-اق شەمونايحا اۋدانىنداعى «رۋليحا» ج ش س ەتتى جانە ءسۇتتى باعىتتاعى ءىرى قارا مالدارىن ساتىپ الدى. جوبالار جەرگىلىكتى تۇرعىنداردى جۇمىسپەن قامتۋعا مۇمكىندىك بەردى.
«SEMEY QUS» ج ش س قۇس فابريكاسى اعىمداعى جىلدىڭ ءساۋىر ايىنان باستاپ 1، 2 جانە 3 ساناتتاعى تاۋارلىق جۇمىرتقا ءوندىرىسىن باستادى. جىل باسىنان بەرى 8 ملن. جۇمىرتقا وندىرىلەدى. جوسپارلانعان ەكى ءىرى ماي ەكستراكسيالىق زاۋىتتاردىڭ ىشىنەن قۋاتى 300 مىڭ توننا «QazaqAstyqGroup» ج ش س پايدالانۋعا بەرىلدى. گلۋبوكوە اۋدانىنىڭ پرەدگورنوە اۋىلىنداعى ەكىنشى كومبينات «Altyn Shyghys» ج ش س جۇمىسى كەلەسى جىلى اياقتالاتىن بولادى. جوبالاردى ىسكە قوسۋ ماي-تۇقىمدارىن وڭدەۋ كولەمىن جىلىنا 600 مىڭ تونناعا، ال تولىق قۋاتقا شىققاننان كەيىن 1 ملن تونناعا دەيىن ۇلعايتۋعا مۇمكىندىك بەرەدى.
«UrdzharAgroCompany» ج ش س، «ەلىماي كوكپەكتى» ج ش س، «اگروفيرما پريرەچنوە» ج ش س، «ۋكراينكا» ج ش س، «قاليقان ۇلى» شارۋا قوجالىعى 2،8 مىڭ گەكتار الاڭدا سۋارۋ جۇيەلەرىنىڭ قۇرىلىسى بويىنشا 2،8 ملرد تەڭگەگە بەس ءىرى جوبا ىسكە اسىرىلدى.
ۇلان اۋدانىندا «كوكجال» ش/ق، تارباعاتاي اۋدانىندا «اسىلاگرو-7» ج ش س، «ءماۋلىت» ش/ق-دا جەتى مىڭ باس ءىرى قارا مالعا ارنالعان ءۇش بورداقىلاۋ الاڭىنىڭ قۇرىلىسى اياقتالۋدا. تاعى ءبىر بورداقىلاۋ الاڭى گلۋبوكوە اۋدانىنىڭ «ەرتىس» ج ش س پايدالانۋعا بەرىلدى.
كۇرشىم اۋدانىندا «سايات» شارۋا قوجالىعىنىڭ 100 باسقا ارنالعان ءسۇت-تاۋار فەرماسىنىڭ قۇرىلىسى اياقتالدى. ال بورودۋليحا اۋدانىنىڭ «كراسنىي پارتيزان» شارۋا قوجالىعىندا استىق كەپتىرۋ كەشەنى سالىندى. گلۋبوكوە اۋدانىندا «مايلى داقىلداردىڭ تاجىريبەلىك شارۋاشىلىعى» ج ش س وندىرىسىندە مايلى داقىلداردىڭ 20 مىڭ توننالىق استىق قويماسى سالىندى، سونداي-اق قۋاتتىلىعى ساعاتىنا التى توننادان باستالاتىن قۇراما جەم سەحىن كەڭەيتۋ بويىنشا جۇمىستار جۇرگىزىلدى.
كاسىپورىنداردى ىسكە قوسۋ وڭدەلگەن اۋىل شارۋاشىلىعى ونىمدەرىنىڭ ەكسپورتىن ءتورت ەسە ۇلعايتۋعا مۇمكىندىك بەرەدى.
