Shyǵys Qazaqstan oblysynyń Shemonaiha qalasyndaǵy Temirjol shaǵyn aýdanynda 300 orynǵa arnalǵan zamanaýi mektep paidalanýǵa berildi, – dep habarlaidy Dalanews.kz
Bilim berý nysany Memleket basshysynyń tapsyrmasymen júzege asyrylyp jatqan «Keleshek mektebi» ulttyq jobasy aiasynda salyndy.
ShQO ákimi Nurymbet Saqtaǵanov atap ótkendei, bul joba tek jańa ǵimarattar salýǵa ǵana emes, sonymen qatar oqýshylardyń intellektýaldyq jáne shyǵarmashylyq áleýetin ashýǵa múmkindik beretin bilim berý ortasyn qalyptastyrýǵa baǵyttalǵan.
«Mektepterdiń zamanaýi tehnologiialarmen jabdyqtalýy, inkliýzivti infraqurylym jáne qaýipsiz jaǵdai – ósip kele jatqan urpaqtyń sapaly bilim alýyna negiz bolady», – dedi aimaq basshysy.
Shemonaiha qalasyndaǵy jańa mektep fizika, himiia, biologiia, matematika, informatika, tilder men mýzyka pánderi boiynsha interaktivti paneldermen jabdyqtalǵan arnaiy kabinettermen qamtylǵan. Oqýshylardyń injenerlik-tehnikalyq daǵdylaryn damytý maqsatynda STEM-zerthanalar, robototehnika kabineti jáne D. Serikbaev atyndaǵy ShQTÝ-dyń injenerlik synyby ashylǵan.
Mektep oqýshylarynyń kásibi baǵyttalýyn qamtamasyz etý úshin aspazdyq, tigin, aǵash óńdeý sheberhanalary men IT-stýdiia jumys isteidi.
Inkliýzivti bilim berýge erekshe nazar aýdarylǵan. Mektepte logoped, psiholog, defektolog kabinetteri, sensorlyq bólmeler jáne arnaiy bilim berýdi qajet etetin balalarmen jumys isteýge arnalǵan S. Amanjolov atyndaǵy ShQÝ qoldaýymen ashylǵan «Danabala» kabineti bar.
Mektep infraqurylymyna demalys aimaqtary, kovorking, kitaphana jáne oqý zaly, akt jáne horeografiia zaldary kiredi.
Oqýshylardyń qaýipsizdigin qamtamasyz etý úshin beinebaqylaý júiesi, kirýdi baqylaý, jeke shkaftar, lift, pandýs jáne taktildi belgiler ornatylǵan.
Shemonaihadaǵy mekteptiń ashylýy – «Keleshek mektebi» ulttyq jobasynyń mańyzdy nátijeleriniń biri. Bul joba balalardyń jan-jaqty damýyna jaǵdai jasap, sapaly bilimge qoljetimdilikti arttyrýdy kózdeidi.
