«Kaztsink» JShS-niń atqarýshy direktory Andrei Lazerevtyń aitýyna qaraǵanda, óndiris orny oryn alǵan jappai tártipsizdikke qaramastan óz jumysyn bir minýt ta toqtatqan emes.
– Barlyq nysandar jumys atqaryp tur. Qyzmetkerlerdi qoǵamdyq kóliktermen tasymaldanyp jatyr. Olar óz jumystaryn jalǵastyryp jatyr. Túngi aýysymdaǵy qyzmetkerlerdi bizdiń qyzmettik kóliktermen tasymaldap jatyrmyz, – dep atap ótti Andrei Lazerev.
Sonymen qatar, Andrei Lazerevtyń sózine qaraǵanda, kompaniia basshylyǵy jedel túrde qyzmetkerlerge jalaqy tólegen.
– Bizde barlyǵy saǵat tili siiaqty jumys jasaidy. Qyzmetkerlerge jedel túrde jalaqy tóleýge kómek kórsetkenderi úshin aimaq basshysyn jáne Ulttyq bankke alǵys aitamyz, – dedi «Kaztsink» JShS atqarýshy direktory.
Tótenshe jaǵdai kezinde jáne kontroterorlyq is-sharalar oryn alǵan kezde «ÝK TMK» AQ shtattyq rejimde óz jumysyn atqarýda. «ÝK TMK» AQ prezidenti Ásem Mamytovanyń sózinshe, barlyq óndiristik josparlar júzege asyrylyp jatqandyǵy jáne ónimderdi shyǵarý kestege sáikes iske asyrylyp jatqandyǵyn aitty. Aimaq basshysynyń qoldaýynyń arqasynda kásiporynda qyzmetkerlerdiń jalaqylaryn jedel túrde tólep bergen.
– Birinshi kezekte men qaza tapqan barlyq áskeri qyzmetkerlerdiń jáne azamattyq tulǵalardyń otbasylaryna qaiǵyryp kóńil aitamyn. Sonymen qatar, Qazaqstan halqyna bizdiń QR Konstitýtsiiasyna, zańdaryna adaldyq tanytqanymyz úshin alǵysymdy bildirgim keledi. Eńbek ujymynyń atynan qarýly kúshter qyzmetkerlerine olardyń kásibilik jáne qyzmettik mindetterine tanytqan adaldyqtary úshin alǵys aitamyn. Olar bizdiń memleketimizdiń qaýipsizdigin qamtamasyz ete aldy, – dep atap ótti Ásem Mamytova.
