«كازسينك» ءجشس-نىڭ اتقارۋشى ديرەكتورى اندرەي لازەريەۆتىڭ ايتۋىنا قاراعاندا، ءوندىرىس ورنى ورىن العان جاپپاي تارتىپسىزدىككە قاراماستان ءوز جۇمىسىن ءبىر مينۋت تا توقتاتقان ەمەس.
– بارلىق نىساندار جۇمىس اتقارىپ تۇر. قىزمەتكەرلەردى قوعامدىق كولىكتەرمەن تاسىمالدانىپ جاتىر. ولار ءوز جۇمىستارىن جالعاستىرىپ جاتىر. تۇنگى اۋىسىمداعى قىزمەتكەرلەردى ءبىزدىڭ قىزمەتتىك كولىكتەرمەن تاسىمالداپ جاتىرمىز، – دەپ اتاپ ءوتتى اندرەي لازەريەۆ.
سونىمەن قاتار، اندرەي لازەريەۆتىڭ سوزىنە قاراعاندا، كومپانيا باسشىلىعى جەدەل تۇردە قىزمەتكەرلەرگە جالاقى تولەگەن.
– بىزدە بارلىعى ساعات ءتىلى سياقتى جۇمىس جاسايدى. قىزمەتكەرلەرگە جەدەل تۇردە جالاقى تولەۋگە كومەك كورسەتكەندەرى ءۇشىن ايماق باسشىسىن جانە ۇلتتىق بانككە العىس ايتامىز، – دەدى «كازسينك» ج ش س اتقارۋشى ديرەكتورى.
توتەنشە جاعداي كەزىندە جانە كونتروتەرورلىق ءىس-شارالار ورىن العان كەزدە «ۋك تمك» اق شتاتتىق رەجيمدە ءوز جۇمىسىن اتقارۋدا. «ۋك تمك» اق پرەزيدەنتى اسەم مامىتوۆانىڭ سوزىنشە، بارلىق وندىرىستىك جوسپارلار جۇزەگە اسىرىلىپ جاتقاندىعى جانە ونىمدەردى شىعارۋ كەستەگە سايكەس ىسكە اسىرىلىپ جاتقاندىعىن ايتتى. ايماق باسشىسىنىڭ قولداۋىنىڭ ارقاسىندا كاسىپورىندا قىزمەتكەرلەردىڭ جالاقىلارىن جەدەل تۇردە تولەپ بەرگەن.
– ءبىرىنشى كەزەكتە مەن قازا تاپقان بارلىق اسكەري قىزمەتكەرلەردىڭ جانە ازاماتتىق تۇلعالاردىڭ وتباسىلارىنا قايعىرىپ كوڭىل ايتامىن. سونىمەن قاتار، قازاقستان حالقىنا ءبىزدىڭ ق ر كونستيتۋسياسىنا، زاڭدارىنا ادالدىق تانىتقانىمىز ءۇشىن العىسىمدى بىلدىرگىم كەلەدى. ەڭبەك ۇجىمىنىڭ اتىنان قارۋلى كۇشتەر قىزمەتكەرلەرىنە ولاردىڭ كاسىبيلىك جانە قىزمەتتىك مىندەتتەرىنە تانىتقان ادالدىقتارى ءۇشىن العىس ايتامىن. ولار ءبىزدىڭ مەملەكەتىمىزدىڭ قاۋىپسىزدىگىن قامتاماسىز ەتە الدى، – دەپ اتاپ ءوتتى اسەم مامىتوۆا.
