Shyǵys Qazaqstan oblysynda burynǵy polısıa qyzmetkeri kámeletke tolmaǵandarǵa qatysty jynystyq sıpattaǵy is-áreket jasady degen kúdikke ilindi, – dep habarlaıdy Dalanews.kz.

"Qazir bolǵan oqıǵanyń barlyq mán-jaıyn anyqtaýǵa baǵyttalǵan tergeý júrgizilip jatyr", - dedi SHQO Polısıa departamentiniń baspasóz qyzmeti ókili.

Polısıanyń málimetinshe, 16 jasqa tolmaǵan adamdarǵa qatysty jynystyq sıpattaǵy is-áreketter jasaý deregi boıynsha qylmystyq is qozǵalǵan.

Kúdiktiler ustalǵany jáne ýaqytsha ustaý ızolátoryna qamalǵany aıtyldy.

"A.Jumaǵulov ishki ister organdarynan teris sebeptermen jumystan shyǵarylǵanyn habarlaımyz", - dep jazylǵan vedomstvo habarlamasynda.

BAQ málimetinshe, burynǵy polısıa qyzmetkeri Asqar Jumaǵulovqa qatysty qylmystyq is tergelip jatyr.