Шығыс Қазақстан облысында бұрынғы полиция қызметкері кәмелетке толмағандарға қатысты жыныстық сипаттағы іс-әрекет жасады деген күдікке ілінді, – деп хабарлайды Dalanews.kz.
"Қазір болған оқиғаның барлық мән-жайын анықтауға бағытталған тергеу жүргізіліп жатыр", - деді ШҚО Полиция департаментінің баспасөз қызметі өкілі.
Полицияның мәліметінше, 16 жасқа толмаған адамдарға қатысты жыныстық сипаттағы іс-әрекеттер жасау дерегі бойынша қылмыстық іс қозғалған.
Күдіктілер ұсталғаны және уақытша ұстау изоляторына қамалғаны айтылды.
"А.Жұмағұлов ішкі істер органдарынан теріс себептермен жұмыстан шығарылғанын хабарлаймыз", - деп жазылған ведомство хабарламасында.
БАҚ мәліметінше, бұрынғы полиция қызметкері Асқар Жұмағұловқа қатысты қылмыстық іс тергеліп жатыр.
