Almaty, Mańǵystaý, Qaraǵandy jáne Shyǵys Qazaqstan oblystaryndaǵy oqý oryndary, áleýmettik seriktes sanalatyn kásiporyndar, «Atameken» óńirlik ulttyq kásipkerler palatasynyń ókilderi dýaldy oqytýdyń mańyzyn talqylady,- dep habarlaıdy Dalanews.kz.

Jumysshy mamandyqtar jylynda joǵary bilikti kadrlardy daıarlaýǵa basa nazar aýdaryp, praktıkaǵa baǵdarlanǵan bilim berýdi damytý qajet.

SHQO ákimdiginiń baspasóz qyzmeti

"Dýaldy oqytý – eldiń turaqty damýynyń mańyzdy bóligi. 2024 jyly 4936 stýdent oqý bitirip, onyń 4275-i jumysqa ornalasty. Dýaldy oqytý júıesi boıynsha kadrlar daıarlaý túlekterdiń jumysqa ornalasý deńgeıin arttyrýǵa áser etedi", - dedi SHQO Bilim basqarmasy basshysynyń orynbasary Álıma Aqylbek.

SHQO Bilim basqarmasynyń málimetinshe, dýaldy oqytý 44 mamandyq boıynsha 27 kolejde júzege asyrylady. Iaǵnı, 5000-nan astam stýdent bilim alady. Dýaldy oqytýǵa shamamen 448 kásiporyn men áleýmettik seriktes kompanıalar qatysady.

SHQO ákimdiginiń baspasóz qyzmeti

"Dýaldy oqytý júıesin damytýda tálimgerlik mańyzdy ról atqarady dep sanaımyz. Bilim alýshylar ýaqytynyń 60%-yn tájirıbe alańynda ótkizedi", - deıdi SHQO Kásipkerler palatasynyń adamı kapıtaldy damytý bóliminiń bastyǵy Áset Ádilhan.

Semınarǵa qatysýshylar dýaldy oqytýdy júzege asyrý tájirıbesimen bólisip, osy baǵyttaǵy ózekti máselelerdi sheshý ádisterin talqylady.