Nazarbaev Ziiatkerlik mektepteriniń tájiribesi negizinde orta bilim berýdi jańartylǵan mazmunǵa kóshirý júzege asyryldy. 2018 jyldan bastap ár mektepte aýqymdy aimaqtyq joba – IT synyptar ashyldy.
Bul sabaqtarda joǵary deńgeili Python tilinde baǵdarlamalaý, ArduinoUno elektrondy platformalary negizinde avtomattandyrylǵan qurylǵylardy qurý jáne úsh ólshemdi ortada modeldeý siiaqty bólimderdi qamtityn oqytý baǵdarlamasy júzege asyrylady.
Oqýshylar IT-forýmdarda, chempionattarda, festivalderde IT quzyrettilikteri boiynsha alǵan bilimderin sátti kórsetip keledi.
Úzdik jobalar oblys ákiminiń granttyq qoldaýyna ie bolýda. 25 IT startap jobasyna 28 mln teńgege grant bólindi, onyń ishinde 2022 jyly – 10 jobaǵa 10 mln teńge.
Búginde oblysta "Bilimdi maman" jobasy sátti júzege asyrylýda. Joba aiasynda 2017 jyldan 2021 jylǵa deiin 1846 mektep túlegi 3,3 mlrd teńgege bilim granttaryn aldy.
Nátijesinde, joǵary bilimniń qoljetimdiligi 2014 jyldan bastap 47% -dan 64%-ǵa deiin ulǵaidy jáne mektep túlekteriniń jaqyn sheteldegi joǵary oqý oryndaryna ketýi 6 esege tómendedi.
2023 jyly ShQO boiynsha oblystyq biýdjetten 270 bilim berý grantyn bólý josparlanýda. Til biliminde oqytýdyń jańa ádis-tásilderin qoldanýdyń orny erekshe, balabaqshalarda qazaq tilin oqytýdaǵy jańa tásilder synaqtan ótti, jazǵy maýsymda mekteptegi tildik lagerler uiymdastyrylady.
Respýblikada alǵash ret qazaq tiliniń deńgeiin odan ári arttyrý maqsatynda Katonqaraǵai aýdanynyń aýmaǵynda oqýshylardyń tildik ortaǵa tolyq enip, qazaq tilinde sóileitinderdiń otbasylarynda turýy boiynsha aýqymdy jobany iske asyrý bastaldy.
Sonymen qatar, oblysta dene shynyqtyrý men buqaralyq sportty damytýǵa erekshe kóńil bólindi. 2014 jyldan bastap 2021 jylǵa deiin 32,5 mlrd.teńgege 20 sport nysany salyndy, onyń ishinde Semei óńiri boiynsha - 30 mlrd teńgege 10 nysan, onyń ishinde Semei qalasyndaǵy kópfýnktsionaldy mádeni-sport kesheni boi kótergen bolatyn.
