Shyǵys Qazaqstan oblysynda baǵany turaqtandyrý maqsatynda «Ertis» áleýmettik-kásipkerlik korporatsiiasy kásipkerlik sýbektilerimen ónim jetkizý boiynsha zaim sharttaryn jasasty. Sonymen qatar, 2025–2026 jyldardaǵy maýsymaralyq kezeńge kartop, sábiz, piiaz jáne qyryqqabatty qamtityn 7 myń tonna kókónis ónimine kelisimsharttar jasaldy,- dep habarlaidy Dalanews.kz
ShQO-daǵy áleýmettik saýda núktelerinde áleýmettik mańyzy bar azyq-túlik taýarlarynyń (ÁMAT) toǵyz túri satylymǵa shyǵarylǵan. Atap aitqanda: kartop – 263 tg/kg, sábiz – 288 tg/kg, piiaz – 228 tg/kg, qyryqqabat – 263 tg/kg, kúrish – 432 tg/kg, qaraqumyq jarmasy – 181 tg/kg, kúnbaǵys maiy – 720 tg/kg, qant – 417 tg/kg, rojki – 305 tg/kg.
2025–2026 jyldardaǵy maýsymaralyq kezeńge kartop – 2000 tonna, sábiz – 900 tonna, piiaz – 600 tonna, qyryqqabat – 900 tonna kóleminde kelisimsharttar jasaldy.
ÁMAT baǵasy boiynsha statistikalyq derekterdiń neǵurlym shynaiy kórsetilýi úshin Statistika departamenti zertteitin saýda nysandary tizimine Turaqtandyrý qory arqyly ónim taratylatyn saýda oryndaryn engizý usynyldy.
Kelisimsharttardyń kesh jasalýyna bailanysty biyl ÁMAT satylymy 22 mamyrda ǵana bastaldy. Al kóktem-jaz maýsymyndaǵy turaqtandyrý kezeńi 1 mamyr men 31 shilde aralyǵynda belgilengen bolatyn.
«Atalǵan mehanizmdi iske asyryp, 2026 jylǵy kóktem-jaz kezeńine kelisimsharttardy 2025 jylǵy tamyz aiynda, al 2026–2027 jyldardaǵy kúz-qys kezeńine kelisimsharttardy 2025 jylǵy qyrkúiekte jasasý qajet», – dep tapsyrdy oblys ákimi Nurymbet Saqtaǵanov.
Sondai-aq, aýyl sharýashylyǵy taýaryn óndirýshilermen, ásirese «Altai» kóterme-retteý ortalyǵy arqyly forvardtyq kelisimsharttar jasaý máselesin pysyqtaý qajettigi aityldy.
Qazirgi tańda 1000 kóterme jetkizýshimen, aýyl sharýashylyǵy taýar óndirýshilerimen jáne saýda oryndarymen 7%-dyq eń tómengi saýda ústemesin qoldaný týraly memorandýmdar jasalǵan. Oblys aýmaǵynda negizgi taýarlar eń tómengi saýda ústemesimen satylatyn 227 áleýmettik burysh jumys isteidi.
Jergilikti aýyl sharýashylyǵy óndirýshilerine ónimderin ústemesiz satýǵa arnalǵan 263 jeńildikti saýda orny turaqty túrde usynylady. Ónimderdi saýda ústemesinsiz satý úshin oblys kóleminde turaqty túrde aýyl sharýashylyǵy jármeńkeleri ótkiziledi. Jyl basynan beri ShQO-da 160 aýyl sharýashylyǵy jármeńkesi ótkizildi.
Azyq-túlik tapshylyǵyn boldyrmaý maqsatynda oblystaǵy qalalar men aýdandardyń ákimdikteri saýda ortalyqtary men dúkenderde áleýmettik mańyzy bar azyq-túlik taýarlarynyń qory men baǵasyna turaqty túrde monitoring júrgizýde.
