ShQO-da merdigerlik uiym jańa áýejaidyń qurylysy barysynda zaqymdanǵan respýblikalyq mańyzdaǵy «Óskemen – Altai – Úlken Naryn – Katonqaraǵai – Rahman qainary» avtojolynyń búlingen bir bóligin qalpyna keltiredi, dep habarlaidy Dalanews.kz
Sóz 252-shi shaqyrymnan 311-shi shaqyrymǵa deiingi jol ýchaskesi týraly bolyp otyr. Bul bólikten qurylys materialdary jetkizilýde. Aýyr tehnikanyń qarqyndy qozǵalysy saldarynan jol jabyny men injenerlik qurylystar zaqymdalǵan.
Sonymen qatar, joldyń búlinýine kóktemgi maýsymmen sáikes kelýi de sebep boldy, bul kezde jol jabyny artyq ylǵaldanýǵa ushyraidy. Mundai jaǵdai joldyń kótergish qabiletin tómendetip, jamylǵynyń buzylýyna tikelei áser etedi.
Joldy óz qarajatyna qalpyna keltirý mindettemesin kompaniia bas merdigerlermen úshjaqty kelisim arqyly bekitti. Kompaniia jóndeý jumystaryn kezeń-kezeńimen júrgizip, kólemi men merzimin áriptesterimen kelise otyryp atqarady.
– Bul joldyń jergilikti turǵyndar men týrister úshin mańyzdy ekenin jaqsy túsinemiz. Sondyqtan qurylys materialdaryn jetkizý barysynda zaqymdanǵan ýchaskeni qalpyna keltirýge daiynbyz. Jóndeý jumystary ýákiletti organdarmen tyǵyz úilestikte kezeń-kezeńimen júrgiziledi, – dedi kompaniianyń ókili Áset Sultanov.
Kelisim qol qoiylǵan sátten bastap kúshine endi jáne resmi túrde toqtatylǵanǵa deiin jaramdy bolady. Qujat Shyǵys Qazaqstannyń mańyzdy kólik baǵyttarynyń birindegi infraqurylymdy saqtaý men jol qozǵalysy qaýipsizdigin qamtamasyz etýge baǵyttalǵan.
