Úlbi metallýrgiia zaýytynda atom salasy qyzmetkerleriniń kásibi merekesine arnalǵan saltanatty jiyn ótti.
Is-sharaǵa oblys ákiminiń orynbasary Erbol Nurǵaliev qatysyp, sala mamandaryn merekelerimen quttyqtap, birqatar azamatqa aimaq basshysynyń Alǵys hatyn tabystady.
– Bul sala elimiz úshin strategiialyq turǵydan erekshe mańyzǵa ie. Sondyqtan sizderge artylyp otyrǵan jaýapkershilik óte zor. Atom salasynda naǵyz kásibi mamandar jumys isteý kerek dep oilaimyn. Qýanyshymyzǵa orai, bizde mundai bilikti maman az emes.
Sizder kún saiynǵy qajyrly eńbekterińizben elimizdiń gúldenýine zor úles qosyp kelesizder. Barshańyzdy oblys ákimi Ermek Bedelbaiuly atynan osynaý merekelerińizben quttyqtaýǵa ruqsat etińizder, – degen E.Nurǵaliev artynsha sala mamandaryna oblys ákiminiń Alǵys hattarymen marapattady.
Bul kúni osyndai marapatqa ie bolǵandardyń ishinde «ÚMZ» AQ basqarma tóraǵasy Sergei Bejetskii de boldy. Onyń aitýynsha, 2024 jyl atom salasy qyzmetkerleri úshin de aitýly bolaiyn dep tur.
– Ózderińiz bilesizder, biylǵy 6 qazanda respýblikamyzda Atom elektr stansasyn salý máselesine qatysty jalpyhalyqtyq referendým ótetin bolady. Bizdiń sala mamandary úshin bul óte mańyzdy oqiǵa. Biz 70 jyldan astam ýaqyt beri ýranmen jumys istep kelemiz, jáne onyń artyqshylyqtary men kemshilikteri týraly jaqsy bilemiz. Óz tarapymyzdan tájiribe bólisýge, mamandar daiyndaý isine atsalysýǵa daiynbyz, – degen S.Bejetskii sala mamandarynyń eńbegin elep-eskergen oblys basshylyǵyn alǵysyn aitty.
