ShQO-da «Ál-Farabi jáne qaiyrymdy qoǵam» adaldyq saǵaty ótýde
Biyl álemniń ekinshi ustazy Ál-Farabidiń 1150 jyldyq mereitoiy.
Memleketti kúsheitip, táýelsizdikti qorǵaityn qoǵam qandai bolýy kerek? Kemeńger tulǵa Ál-Farabidiń izgilikti qoǵam qurý jónindegi ideialary qashanda órkenietti memlekettiń úlgisi, ólshemi bolyp tabylady.
Sondyqtan, osy jolǵy «Adaldyq saǵatynyń» taqyryby «Ál-Farabi jáne qaiyrymdy qoǵam» retinde anyqtaldy.
Basty maqsat – uly ǵulamanyń eńbekteri arqyly qoǵamda ádildik, parasattylyq jáne senim qundylyqtaryn dáripteý.
Aktsiia onlain formatta bolǵandyqtan, Bilim jáne ǵylym, Aqparat jáne qoǵamdyq damý ministrlikterimen aldyn ala kelisip, «Adaldyq saǵaty» respýblikalyq telearnalarda kórsetilýde.
Odan bólek, beine-dárister Agenttiktiń Youtube paraqshasyna júktelip, ShQO Sybailas jemqorlyqqa qarsy departamenti men «Shyǵys - Adaldyq alańy» jobalyq keńsesiniń, óńirlik aqparattyq-aǵartýshylyq toptyń, oblystaǵy barlyq memlekettik mekemelerdiń áleýmettik jelilerinde kórsetilýde.
Beine-dáris oblystyq dáristiń kórsetilimi «Altai», «Qazaqstan-Semei», «Alva TV» telearnalarda da uiymdastyryldy.
Onlain formatta ótken osy is-shara qoǵam tarapynan qoldaýǵa ie boldy.
Onyń tárbielik mańyzdylyǵy óńirdegi aqparttyq-aǵartýshylyq toptyń, «Shyǵys - Adaldyq alańy» jobalyq keńsesiniń músheleri joǵary baǵalaýda
Onlain formatta ótken «Adaldyq saǵaty» birqatar basymdyqtardy kórsetti:
Birinshiden, arnaiy ázirlengen bir ǵana beinerolik arqyly barlyq áleýmettik top ókilderi qamtyldy. Nátijesinde, adami resýrstar men ýaqyt barynsha únemdeldi.
Ekinshiden, áleýmettik jeli qoldanýshylarymen tiimdi keri bailanys ornatyldy..
Úshinshiden, tereń bilimmen qatar, adaldyq pen parasattylyq qundylyqtarynyń mańyzyn ǵulamalardyń eńbekteri arqyly jetkizý jastar, jalpy qoǵam tarapynan qoldaýǵa ie boldy.
Uly oishyldardyń eńbekterin keń kólemde dáripteý – sanaly urpaqty tárbieleýdiń jarqyn úlgisi.
