Shyǵys Qazaqstan oblysynda 13 jastaǵy qyzdy zorlaǵan er adamǵa qatysty sot úkimi ózgertildi. Óskemen qalasynda is apelliatsiialyq tártippen qaita qaralyp, sottalýshy ómir boiyna bas bostandyǵynan aiyryldy, dep habarlaidy Dalanews.kz.
Bul týraly 31 arna málimdedi. Jábirlenýshi taraptyń týystarynyń sózinshe, 30 jastaǵy er adam mektep oqýshysyn dalaǵa shyǵaryp, sol jerde oǵan zorlyq kórsetken. Alaida birinshi satydaǵy sot bul oqiǵany eki jaqtyń kelisimimen bolǵan dep baǵalap, aiypty "Zorlaý" babynan "16 jasqa tolmaǵan adammen jynystyq qatynasqa túsý" babyna aýystyrǵan. Sonyń nátijesinde er adam eki jylǵa bas bostandyǵynan aiyrylǵan.
Qyzdyń jaqyndary bul úkimdi ádiletsiz dep baǵalap, jazany qatańdatýdy talap etken.
Keiin apelliatsiialyq sot isti qaita qarap, sottalýshyny ómir boiyna bas bostandyǵynan aiyrý týraly sheshim shyǵardy.
