شىعىس قازاقستان وبلىسىندا 13 جاستاعى قىزدى زورلاعان ەر ادامعا قاتىستى سوت ٷكٸمٸ ٶزگەرتٸلدٸ. ٶسكەمەن قالاسىندا ٸس اپەللياتسييالىق تەرتٸپپەن قايتا قارالىپ, سوتتالۋشى ٶمٸر بويىنا باس بوستاندىعىنان ايىرىلدى, دەپ حابارلايدى Dalanews.kz.
بۇل تۋرالى 31 ارنا مەلٸمدەدٸ. جەبٸرلەنۋشٸ تاراپتىڭ تۋىستارىنىڭ سٶزٸنشە, 30 جاستاعى ەر ادام مەكتەپ وقۋشىسىن دالاعا شىعارىپ, سول جەردە وعان زورلىق كٶرسەتكەن. الايدا بٸرٸنشٸ ساتىداعى سوت بۇل وقيعانى ەكٸ جاقتىڭ كەلٸسٸمٸمەن بولعان دەپ باعالاپ, ايىپتى "زورلاۋ" بابىنان "16 جاسقا تولماعان اداممەن جىنىستىق قاتىناسقا تٷسۋ" بابىنا اۋىستىرعان. سونىڭ نەتيجەسٸندە ەر ادام ەكٸ جىلعا باس بوستاندىعىنان ايىرىلعان.
قىزدىڭ جاقىندارى بۇل ٷكٸمدٸ ەدٸلەتسٸز دەپ باعالاپ, جازانى قاتاڭداتۋدى تالاپ ەتكەن.
كەيٸن اپەللياتسييالىق سوت ٸستٸ قايتا قاراپ, سوتتالۋشىنى ٶمٸر بويىنا باس بوستاندىعىنان ايىرۋ تۋرالى شەشٸم شىعاردى.
