«ShQO Arheologiiasy» qolǵa alynǵaly beri óńirde bes arhelogiialyq nysan anyqtalyp, mańyzdy ǵylymi-zertteý jumystary júrgizilgeni belgili. Nátijesinde Qazaqstannyń kóne tarihyn zertteýde mańyzdy derekter paida bolyp, ǵylymi ainalymǵa tústi.
Osy igilikti jumystyń arqasynda oblys aýmaǵyndaǵy tarihi-ólketaný mýzeileriniń qory jańa úsh myńnan astam tarihi jádigerlermen tolyǵy túsken. Jádigerlerdiń kópshiligi Berel jazyǵyndaǵy Patyshalar alqabynan tabylǵanyn aita ketýimiz kerek.
Ústimizdegi jyldyń mamyr aiynan beri №5 qorǵanda professor Zeinolla Samashev pen Amanjolov atyndaǵy ShQMÝ tarih fakýltetiniń stýdentteri arhelogiialyq qazba jumystaryn júrgizip jatyr. Bul jerden arhelogtar irgeli taipanyń kósemi bolǵan áieldiń denesin taýyp, onyń janynan altyn áshekei buiymdar, tondar, bas kiim, beldik, qanjar tapqan-dy. Óz kezeginde arhologiialyq jádigerlerdi muqiiat zerttegen tarihshylar bizdiń zamanymyzǵa deiingi 3 myń jyl buryn jerlengen sarbaz áieldiń múrdesi bolýy múmkin dep joramal jasaǵan bolatyn.
№5 qorǵanǵa arnaiy at basyn burǵan Danial Ahmetov jer astynan tabylǵan tarihi jádigerlerdiń kórip, óziniń tańdanysyn jasyrmady.
– Bul – óte qasietti jer. Osy jerdiń qasieti bizdi jyl ótken saiyn tańqaldyryp, shabyttandyryp keledi. Menińshe, osy jerdi ata-babalarymyz «Patshalar alqaby» dep beker atamaǵan. Tabylǵan tarihi jádigerler qazaqtyń tamyryn tereńge tartqan irgeli el bolǵanyn aiǵaqtaidy. Ǵalymdarymyz tabylǵan jádigerlerdi muqiiat zerttep buryn osy ólkeni mekendegen taipalardyń jartylai ǵana kóshpendi bolǵanyn anyqtaǵanyn estidim. Udaiy kóship-qonyp júretin rý-taipalar mundai kúrdeli dúnielerdi jasai almaýy múmkin. Mundai zattardy jasaý úshin turaqty sheberhanalar kerek. Aldaǵy ýaqytta bizdiń arheologtarymyz sondai mańyzdy sheberhanalardy taýyp, qundy arheologiialyq buiymdarǵa qol jetkizetine senimdimin, – dedi ákim.
Belgili tarihshy-arheolog ǵalym Zeinolla Samashev qyrkúiek aiynyń basynda Óskemen qalasynda ótetin halyqaralyq arheologtardyń konferentsiiasynda Berel jazyǵynan tapqan tarihi jádigerleri jaiynda keńinen baiandama jasaitynyn aitty.
https://dalanews.kz/29385
