«شقو ارحەولوگيياسى» قولعا الىنعالى بەرٸ ٶڭٸردە بەس ارحەلوگييالىق نىسان انىقتالىپ, ماڭىزدى عىلىمي-زەرتتەۋ جۇمىستارى جٷرگٸزٸلگەنٸ بەلگٸلٸ. نەتيجەسٸندە قازاقستاننىڭ كٶنە تاريحىن زەرتتەۋدە ماڭىزدى دەرەكتەر پايدا بولىپ, عىلىمي اينالىمعا تٷستٸ.
وسى يگٸلٸكتٸ جۇمىستىڭ ارقاسىندا وبلىس اۋماعىنداعى تاريحي-ٶلكەتانۋ مۋزەيلەرٸنٸڭ قورى جاڭا ٷش مىڭنان استام تاريحي جەدٸگەرلەرمەن تولىعى تٷسكەن. جەدٸگەرلەردٸڭ كٶپشٸلٸگٸ بەرەل جازىعىنداعى پاتىشالار القابىنان تابىلعانىن ايتا كەتۋٸمٸز كەرەك.
ٷستٸمٸزدەگٸ جىلدىڭ مامىر ايىنان بەرٸ №5 قورعاندا پروفەسسور زەينوللا ساماشەۆ پەن امانجولوۆ اتىنداعى شقمۋ تاريح فاكۋلتەتٸنٸڭ ستۋدەنتتەرٸ ارحەلوگييالىق قازبا جۇمىستارىن جٷرگٸزٸپ جاتىر. بۇل جەردەن ارحەلوگتار ٸرگەلٸ تايپانىڭ كٶسەمٸ بولعان ەيەلدٸڭ دەنەسٸن تاۋىپ, ونىڭ جانىنان التىن ەشەكەي بۇيىمدار, توندار, باس كيٸم, بەلدٸك, قانجار تاپقان-دى. ٶز كەزەگٸندە ارحولوگييالىق جەدٸگەرلەردٸ مۇقييات زەرتتەگەن تاريحشىلار بٸزدٸڭ زامانىمىزعا دەيٸنگٸ 3 مىڭ جىل بۇرىن جەرلەنگەن سارباز ەيەلدٸڭ مٷردەسٸ بولۋى مٷمكٸن دەپ جورامال جاساعان بولاتىن.
№5 قورعانعا ارنايى ات باسىن بۇرعان دانيال احمەتوۆ جەر استىنان تابىلعان تاريحي جەدٸگەرلەردٸڭ كٶرٸپ, ٶزٸنٸڭ تاڭدانىسىن جاسىرمادى.
– بۇل – ٶتە قاسيەتتٸ جەر. وسى جەردٸڭ قاسيەتٸ بٸزدٸ جىل ٶتكەن سايىن تاڭقالدىرىپ, شابىتتاندىرىپ كەلەدٸ. مەنٸڭشە, وسى جەردٸ اتا-بابالارىمىز «پاتشالار القابى» دەپ بەكەر اتاماعان. تابىلعان تاريحي جەدٸگەرلەر قازاقتىڭ تامىرىن تەرەڭگە تارتقان ٸرگەلٸ ەل بولعانىن ايعاقتايدى. عالىمدارىمىز تابىلعان جەدٸگەرلەردٸ مۇقييات زەرتتەپ بۇرىن وسى ٶلكەنٸ مەكەندەگەن تايپالاردىڭ جارتىلاي عانا كٶشپەندٸ بولعانىن انىقتاعانىن ەستٸدٸم. ۇدايى كٶشٸپ-قونىپ جٷرەتٸن رۋ-تايپالار مۇنداي كٷردەلٸ دٷنيەلەردٸ جاساي الماۋى مٷمكٸن. مۇنداي زاتتاردى جاساۋ ٷشٸن تۇراقتى شەبەرحانالار كەرەك. الداعى ۋاقىتتا بٸزدٸڭ ارحەولوگتارىمىز سونداي ماڭىزدى شەبەرحانالاردى تاۋىپ, قۇندى ارحەولوگييالىق بۇيىمدارعا قول جەتكٸزەتٸنە سەنٸمدٸمٸن, – دەدٸ ەكٸم.
بەلگٸلٸ تاريحشى-ارحەولوگ عالىم زەينوللا ساماشەۆ قىركٷيەك ايىنىڭ باسىندا ٶسكەمەن قالاسىندا ٶتەتٸن حالىقارالىق ارحەولوگتاردىڭ كونفەرەنتسيياسىندا بەرەل جازىعىنان تاپقان تاريحي جەدٸگەرلەرٸ جايىندا كەڭٸنەن بايانداما جاسايتىنىن ايتتى.
https://dalanews.kz/29385
