Óńir basshysy Ermek Kósherbaev Óskemendegi №42 orta mektebinde ornalasqan №9 referendým ýchaskesine kelip daýys berdi, dep habarlaidy Dalanews.kz Buqara saityna silteme jasap.
– Negizi, referendýmdy demokratiianyń bazisi dep túsiný kerek. Bul – bizdiń el úshin, ultymyz úshin mańyzy zor oqiǵa. Jerlesterimizdiń mańyzdy saiasi naýqannan shet qalmai, daýys berip, azamattyq ustanymyn bildirýi bizdiń durys baǵytta kele jatqanymyzdy bildirse kerek, – dedi oblys ákimi referendým ýchaskesinen shyqqan boida.
Aita keteiik, bul kúni referendým ýchaskesine kelýshilerge barlyq jaǵdai jasaldy. Aimaqtaǵy 538 ýchaskelik referendým komissiiasynda 3844 adam jumys isteýde. Daýys berý kezinde múmkindigi shekteýli jandarǵa da tiisti jaǵdai qarastyrylǵan.
