Búgin Shyǵys Qazaqstan oblysy ákimdigi men «Kaztsink» JShS basshylyǵy ózara yntymaqtastyq týraly memorandýmǵa qol qoidy. Biyl «Kaztsink» áleýmettik bastamalarǵa 1 mlrd teńgeden astam qarjy bóledi dep josparlanýda, – dep habarlaidy Dalanews.kz ShQO ákiminiń baspasóz qyzmetine silteme jasap.
Iri jobalarǵa oblystaǵy meditsinalyq mekemelerge zamanaýi qural-jabdyqtar satyp alý, Ridderdegi mektepterdiń qurylysy men jabdyqtaýdy jalǵastyrý, áleýmettik mańyzy bar nysandardy jóndeý jatady.
– Yntymaqtastyq týraly memorandým jyl saiynǵy dástúrge ainaldy. Buǵan deiingi memorandýmdardyń arqasynda Óskemen, Ridder, Altai jáne Serebriansk qalalaryndaǵy meditsinalyq uiymdar men mektepterdi jabdyqtaý, jol-kólik infraqurylymyn, turǵyn úi-kommýnaldyq sharýashylyǵyn jaqsartýdy qamtityn áleýmettik mańyzy bar jobalar júzege asyryldy.
Búgin biz 11 mlrd teńgege eseptelgen memorandýmǵa qol qoidyq. Onyń ishinde 10 mlrd teńge biýdjetten, 1 mlrd teńge «Kaztsink» esebinen bólinedi. Kompaniia Ridderdegi mektep qurylysyna 5,5 mlrd teńge, hokkeidi damytýǵa 1,5 mlrd teńge bóledi. 2025 jyly investitsiianyń jalpy somasy 18,5 mlrd teńgeni quraidy, – dedi oblys ákimi Nurymbet Saqtaǵanov.
«Kaztsink» kompaniiasynyń bas direktory Janat Janbotin atap ótkendei, memorandýmǵa qol qoiý taraptardyń oblysty damytýǵa degen nietin bildiredi.
– Biz kompaniia bólimsheleri ornalasqan eldi meken turǵyndarynyń bastamalaryna nazar aýdarýǵa tyrysamyz. Biz úshin aimaqtyń áleýmettik ál-aýqaty mańyzdy. Oblys ákimdigimen birlesken jumysty jalǵastyratynymyzǵa qýanyshtymyz, – deidi Janat Janbotin.
