Sońǵy kezderi osyǵan deiin tasada tyǵylyp otyrǵandar taǵy «tirildi». Mustafa Shoqaiǵa til tigizý «naýqany bastaldy». Al bulardyń artynda kim tur?
Bulardyń artynda "Mir bez natsizma" degen uiym tur.
2012 jyly Kiev qalasynda tirkelip, «orys áleminiń» qaǵidasy men qundylyqtaryn Ýkrainaǵa belsendi túrde taratty.
Sol baǵytta "benderovshy-ýkrofashistterdi" taýyp qoǵam arasyna ot saldy bular. Keiinnen "Novorossiia" jobasyn júzege asyrý úshin jantalasty. Sonyń nátijesinde mine búginge deiin Ýkrainanyń shyǵysynda qantógis toqtamai tur.
Aitaiyn degenimdi alystan shalyp otyrǵanym beker emes.
2014 jyly atalmysh uiym Qazaqstanǵa keldi.
Onyń basshylary – Andrei Sherbakov pen Anastasiia Ahmetova degen Qazaqstan azamattary.
Bular 6-7 qazaq blogerlerdi Máskeýge attandyryp, aqparattyq soǵystyń ádis-tásilin úirenýge jiberedi.
Qazaqstanǵa qaita oralyp álgiler áleýmettik jelilerde Mustafa Shoqaidy qaralaýǵa bilekti túrip tastap, kirisip ketti.
Qazaqtyń asyl azamatyn "fashist" dep atap, ultjandardy (qazaq tilin memleket til retinde tuǵyryna qondyrýdy ańsaityndardy, Qazaqstannyń táýelsizdigi baiandy bolǵanyn qalaityndardy, táýelsizdik irgesin sógiltýi múmkin Eýraziialyq odaqqa qarsy shyqqandardy) «kazahofashisty – shokaevtsy» dep aiaq astynan orystyń jaýy dep tapty.
Árine, munymen shektelgen joq.
Ultjandardy azamattardy «eldegi orystardyń, orystildilerdiń ar-namysyn taptap, quqyn buzyp jatyr» dep bir byqsysa, «orys tili nege ekinshi memleket til bolmaidy» dedi endi birde.
Irigen aýyzdan shirigen sóz shyǵady emes pe? Qazaqtildi qaýymnyń qarsylyǵyn kórmegesin, tipten júgensiz ketti.
«Soltústik Qazaqstan Resei jeri» dep shyqty taǵy birde.
Ańdaǵan adamǵa bul taza Ýkrainada iske asyrǵan stsenarii.
Osydan 4-5 jyl buryn bir top qazaq ultjandary tize qosyp, «Ýkrainadaǵydai ultaralyq arandatý boldyrmaimyz, Ýkraina halqynyń qateligin qaitalamaimyz» dep, Qazaqstandaǵy reseishil uiymdar jáne olardyń demeýshilerimen, jebeýshilerimen aqparattyq aiqasqa shyqqanbyz.
Sol tustary Taichibekov degen qaraqurt shyqty. Qazaqty qaralaýdyń myń san ádisterin meńgergen álgini qazaqtildi basylymdarmen birlesip júrip jyndyhanaǵa japtyq.
Mine, sol kezde álgi "Mir bez natsizma" uiymynyń músheleri Taichibekov sotynyń aldynda miting uiymdastyrǵany bar.
«Maqsatymyzǵa jetemiz, sózimizdi sóilep, sońymyzdan ergen azamatymyzdy abaqtydan bosatamyz» dep oilasa kerek.
Maqsatyna da, muratyna da jetken joq.
Taichibekovtyń sotynan keiin álgiler sabasyna túsip, oryssha aitqanda «podpolege» ketti.
Endi mine araǵa 5 jyl salyp taǵy tóbe kórsetipti.
Túneýkúni Toqaev Máskeýge baryp keldi ǵoi. Sol saparynda Pýtin ekeýi tarihty falsifikatsiialaýǵa jol bermeý kerek dep uiǵarymdasqan.
Biraq, buǵan táýelsiz Qazaq eliniń áldeqashan ádil baǵasyn alǵan, Alashtyń mańdaiyna bitken Mustafa Shoqaidyń qatysy bolmaýy kerek. M. Shoqai jóninde Bas Prokýratýranyń reabilitatsiialandy (aqtaldy) degen sheshimi bar. Osy kúnge deiin Shoqai týraly memlekettik tapsyrysmen film de túsirildi, kóshe men mektepterge esimi de berildi.
Osy jazbanyń tobyqtai túiinin men aitpasam da túsinip otyrǵanyńyz anyq. Qazaqtyń alpaýytyn qaidaǵy bir shovinisterdiń qaralaýyna jol bermeýimiz kerek. Bul bizdiń paryzymyz!
Botagóz ISA
Mustafa Shoqai orys otarshyldyǵy týraly:
[perfectpullquote align="full" bordertop="false" cite="" link="" color="" class="" size=""]
«Orys otarshyldyǵynyń basqa aǵylshyn otarshyldyǵynan aiyrmashylyǵy, aǵylshyn otarshyldary óziniń basyp alǵan jerin saýda ainalymyna qosqysy kelse, al orys otarshylarynyń sońynan orys mujyǵy qosa kelip, basyp alǵan jerin orystandyrady».[/perfectpullquote]
