Túrkistan qalasyna aýdan, qalalardan jinalǵan pedagogtar tájiribe jinaqtaý maqsatynda Túrkistan qalasynda ornalasqan bilim ordalarynda, qosymsha bilim berý, sport nysandarynda boldy. «Farab» kitaphanasynda, oqýshylar saraiy men tennis ortalyǵy men eskek esý kanalyna jáne «Nazarbaev Ziiatkerlik mektebin» aralap, ondaǵy jańashyldyqqa kýá boldy. Erekshe formatta bastalǵan Tamyz keńesi aiasynda arnaiy kórme uiymdastyryldy.
Jarty millionǵa jýyq kitap qory bar «Farab» kitaphanasyndaǵy zamanaýi tehnikamen jabdyqtalǵan «Fablab» sheberhanasy jelisin Kentaý, Arys jáne Lengir qalalarynda ashý kózdelgen. Bul – mekteptegi eńbek pániniń jańa úlgisin kórsetetin shyǵarmashylyq ortalyq.
Óńirdiń 17 aýdan, qalasynda tirek mektepter jasaqtalatyn bolady. Joba aiasynda NZM mektepteriniń áleýetin 17 tirek mektebine engizip, oqý-ádistemelik súiemeldeý júrgiziledi. Osy joba aiasynda pedagogterdiń sapalyq quramy men mektepterdiń materialdyq múmkindigi jaqsarady dep kútilýde. NZM tájiribesin taratýda mańyzy bastamalar qolǵa alynady.
– Ózderińiz jańa kórgen «Farab» kitaphanasyn salýda álemniń damyǵan elderiniń ozyq úlgilerin qoldandyq. Munda jastar tek kitap oqyp qana qoimai, shyǵarmashylyqpen ainalysady. Izdenedi. «Fablab» sheberhanasynda oqýshylar óz qoldarymen robotar, túrli dúnielerdi jasap shyǵarady. Osyndai sheberhanalardy barlyq aýdan, qalada ashýdy josparlap otyrmyz. Kitaphanada Túrkistannyń tarihymen tanysýǵa múmkindik bar.
Túrkistannyń birinshi qundylyǵy – Qoja Ahmet Iasaýi. Onyń tarihi tulǵasy men ilimi. Islamdaǵy orny. Jalpy qazaqtyń tarihynda Iasaýidiń orny erekshe. Memlekettiliktiń damýyna óz izin qaldyrǵan. Ózderińiz sekildi ustaz bolǵan tarihi tulǵany halyq airyqsha jaqsy kórgen.
Ekinshi qundylyq – Qoja Ahmet Iasaýi kesenesi. Bul kesene – sáýlet óneriniń jaýhary. Buǵan teńdes mavzolei álemde joq deýge bolady. Árbir kirpishi eseppen qalanǵan. Ókinishke qarai, biz Iasaýidiń bolmysyn, onyń rýhani bailyǵyn áli tolyq bilmeimiz. Tereń zerttelmegen. Sondyqtan biz 27 qazanda Túrkistanda halyqaralyq ǵylymi konferentsiia ótkizemiz. Onda Iasaýidiń murasy men tulǵasy jáne kesenesi týraly tyń derekter aitylady. Zertteledi. Shetelden tarihshylar keledi. Barshańyzdy sol is-sharaǵa shaqyramyz, – degen Ómirzaq Shókeev sport nysandarynyń da mańyzyn atap ótti.
Túrkistanda sport salasyna qoldaý kórsetilip jatqanyn jetkizdi.
Jańa oqý jylynda «Kibernet Akademiiasymen» birge Túrkistan men Kentaý qalalarynda pedagogterdiń IT quzirettiligi men matematikalyq biliktigin damytýǵa baǵyttalǵan «Matematikaǵa daiyndyqtyń jańa tehnologiiasy» baǵdarlamasyn engizý josparlanyp otyr. Bul baǵdarlamada muǵalimder RFMM, Qazaq-Britan tehnologiialyq ýniversitetiniń áleýetin paidalanatyn bolady.
Oblys boiynsha 2025 jylǵa deiin «Oqýǵa qushtar mektep» jobasy aiasynda 324 mekteptiń kitaphanalaryn jańǵyrtý josparlanǵan.
Tehnikalyq jáne kásiptik bilim berý salasyn damytý maqsatynda kolledjderge arnaiy talaptar qoiyp otyrmyz. Kolledj basshylarynyń jumystaryn baǵalaityn KRI júiesi engiziledi, onyń ishinde óndiris oryndarymen birlese otyryp kishi kásiporyndar qurý, biznes-inkýbatorlar ashý máselesi, pedagogtardyń sapalyq quramyn arttyrý, túlekterdiń jumysqa ornalasý kórsetkishterin joǵarylatý sharalary qamtylatyn bolady.
