El aǵalary men qazynaly qarttardy biregei kitaphanamen tanystyrǵan oblys basshysy Túrkistandy kúlli túrki áleminiń rýhani astanasy retinde qaita túletken Elbasynyń eńbegin erekshe atady.
Finliandiia kitaphanalary úlgisinde salynǵan «FARAB» kitaphanasy zamanaýi qurylǵylarmen jáne ozyq tehnologiiamen jabdyqtalǵan. Kópfýnktsiialy bilim berý keshenin aralatqan Ómirzaq Estaiuly kóne jazbalar taqtaishasy men 480 myń kitapqa arnalǵan kitap saqtaý orny, tsifrlandyrý, konservatsiialaý jáne restavratsiialaý zerthanasy, dáris zaly, kórme atriýmy, FabLab tsifrly sheberhanasy men sirek kitaptar men manýskripter zalymen tanystyrdy.
– Biz atanyń aq batasymen, ájelerimizdiń meiirimimen ósip-óngen halyqpyz. Sizderdiń ómir joldaryńyz, aqyl-keńesterińiz – biz úshin ónege. Qasietti Túrkistandy damytýda Sizderdiń de qosar úlesterińiz mol. Sizder bizdiń qazynamyz ári baǵyt-baǵdar beretin danalyqtyń sarqylmas bulaǵysyzdar. Sizderge, otbasylaryńyz ben jaqyn týystaryńyzǵa zor densaýlyq, berekeli uzaq ǵumyr tileimin, sanaly urpaq pen jany jomart jandardyń yqylas-nietine bólenip árqashan aramyzda bolyńyzdar, – dedi Ómirzaq Shókeev.
Jas urpaqqa óziniń ónegeli eńbek jolymen úlgi bolyp júrgen ardagerler men tyl eńbekkerleri, oblysqa eńbegi sińgen birqatar eńbek ardagerleri men ziialy qaýym ókilderi oblys ákiminiń, oblystyq máslihattyń jáne oblystyq ardagerler keńesiniń alǵys hattarymen marapattaldy. Respýblikalyq ortalyq keńestiń «Qurmet belgisi» tósbelgisimen jáne Túrkistan oblystyq ardagerler keńesiniń «El aǵasy» jáne «Aialy áje» nominatsiialary tabystaldy.
Sondai-aq, saltanatty sharaǵa qatysqan 60-qa jýyq qariia etnoaýylda uiymdastyrylǵan qolónershiler kórmesin tamashalady. Qariialardyń qurmetine aq dastarhan jaiylyp, ónerpazdar án men kúiden shashý shashty. Sonymen birge kieli Túrkistan shaharyn aralap, óńirde boi kótergen jańa nysandarmen tanysty.
Túrkistan oblysynda 176 myńǵa jýyq zeinetker turady. Olardyń ishinde 26-y Uly Otan soǵysynyń ardageri, 2667 Uly Otan soǵysyna qatysýshylary men múgedekterine teńestirilgender, 6336 myń tyl eńbekkerleri bar.
Búgingi tańda ai saiyn 1 ailyq eseptik kórsetkish mólsherinde 400-ge jýyq 80 jastan asqan jalǵyzilikti qariialardyń zeinetaqylaryna ústeme aqy tólenedi.
Jeńis kúnine orai, Uly Otan soǵysynyń qatysýshylary men múgedekterine 1 mln.teńge kóleminde qarjylai kómek berildi, jeńiske úles qosqan ózge de 6808 tyl ardagerlerine jalpy 233,3 mln. teńge kóleminde birjolǵy qarjylai kómek kórsetildi. Oblysta qolǵa alynǵan «Qamqorlyq» aktsiiasy sheńberinde 15,6 myń ardagerge kómek berilgen.
Arys jáne Jetisai qalalarynda ardagerlerimizge arnalǵan «Belsendi uzaq ómir súrý» ortalyqtary ashyldy, jaqyn arada Túrkistan qalasynda ardagerlerge arnalǵan zamanaýi ortalyq ashylady, ári qarai da osy baǵytta jumystar jalǵasyn tabady.
