Áýeli Ordabasy aýdanyndaǵy «Bórte milka» sút-taýar fermasynda boldy. Investitsiia quny 2,4 mlrd. teńgeni quraityn sút fermasynda búginde 30 adam jumys isteidi. Golshtein freis tuqymdy 400 siyrdan jylyna 4 myńnan tonnadan astam sút óndiredi. Aita keterligi, bul – aimaqta alǵash ret ozyq tehnologiiany paidalana otyrǵan kásiporyn. Munda siyrdyń saýynyn jýý, sútti saýý jumystaryn tolyq robot tehnika júzege asyrady.
Sapar barysynda Ómirzaq Estaiuly óńirdegi aýyl sharýashylyǵy salasyndaǵy sharýalarmen kezdesip, máselelerine qanyqty. Óńirdegi sharýalar maqta, júgeri ónimderin arttyrý boiynsha jáne qarakól eltirisin qaita jańǵyrtý jóninde óz oilaryn jetkizdi. Máselege qanyqqan ministr aitylǵan usynystardy eskerip, tiisti jumystar atqarylatynyn aitty.
– Aýyl sharýashylyǵyna beriletin sýbsidiia búgingi tańda 240 mlrd.teńgege jetti. Bul Elbasynyń atalǵan salaǵa degen qamqorlyǵy. Sondai-aq, Memleket basshysy aýyl sharýashylyǵy ónimderin 2,5 esege kóbeitý kerektigin tapsyrdy. Bul turǵyda Ońtústik Qazaqstan oblysy – agrarly sala ekendigin eskerý kerek. Et, sút, maqta ónimderi men baqsha daqyldaryn óndirýde óńirdiń úlesi erekshe. Aldaǵy ýaqytta Úkimet májilisinde jyldyń jańa josparyn bekitip, aýyl sharýashylyǵyn órkendetý úshin tyń jobalardy qolǵa alatyn bolamyz, – dedi Ómirzaq Estaiuly.
Sapar Túrkistan qalasy Shaǵa aýyldyq okrýgindegi «Erasyl» jylyjai kesheninde jalǵasty. Joba quny 70 mln. teńgeni quraityn keshen 0,35 gektar aýmaqty alyp jatyr. Onda qazirgi tańda 5 adam jumys isteidi. Óńir basshysy respýblikadaǵy jylyjailardyń 75 paiyzy Ońtústik Qazaqstan oblysyna tiesili ekendigin aitty.
– Aýyl sharýashylyǵyn qoldaýǵa ótken jyly jalpy 24,9 mlrd. teńge sýbsidiia baǵyttalyp, 40 myńǵa jýyq kásiporyn qoldaýǵa ie boldy. Aýyl sharýashylyǵynyń jalpy ónim kólemi ótken jyly 522,4 mlrd. teńgege jetip, ósim 102 paiyzdy qurady. Al jylyjai kólemi 2017 jyly 212 gektarǵa artyp, jalpy 1 335 gektarǵa jetti. Elbasy Joldaýynda aýyl sharýashylyǵy salasyna airyqsha kóńil bólindi. Osy maqsatta óńirde ónimdilikti arttyrý úshin ozyq tehnologiiany paidanalanýǵa barynsha basymdyq beretin bolamyz, – dedi Janseiit Qanseiituly.
Ońtústik Qazaqstan oblysynyń aýyl sharýashylyǵy salasymen tanysqan Ómirzaq Estaiuly sharýalardyń jasaǵan usynystarynyń tiimdi tustary nazarǵa alynatyndyǵyn jetkizdi.
OQO ákiminiń baspasóz qyzmeti
https://dalanews.kz/33401
