ەۋەلٸ ورداباسى اۋدانىنداعى «بٶرتە ميلكا» سٷت-تاۋار فەرماسىندا بولدى. ينۆەستيتسييا قۇنى 2,4 ملرد. تەڭگەنٸ قۇرايتىن سٷت فەرماسىندا بٷگٸندە 30 ادام جۇمىس ٸستەيدٸ. گولشتەين فرەيس تۇقىمدى 400 سيىردان جىلىنا 4 مىڭنان توننادان استام سٷت ٶندٸرەدٸ. ايتا كەتەرلٸگٸ, بۇل – ايماقتا العاش رەت وزىق تەحنولوگييانى پايدالانا وتىرعان كەسٸپورىن. مۇندا سيىردىڭ ساۋىنىن جۋۋ, سٷتتٸ ساۋۋ جۇمىستارىن تولىق روبوت تەحنيكا جٷزەگە اسىرادى.
ساپار بارىسىندا ٶمٸرزاق ەستايۇلى ٶڭٸردەگٸ اۋىل شارۋاشىلىعى سالاسىنداعى شارۋالارمەن كەزدەسٸپ, مەسەلەلەرٸنە قانىقتى. ٶڭٸردەگٸ شارۋالار ماقتا, جٷگەرٸ ٶنٸمدەرٸن ارتتىرۋ بويىنشا جەنە قاراكٶل ەلتٸرٸسٸن قايتا جاڭعىرتۋ جٶنٸندە ٶز ويلارىن جەتكٸزدٸ. مەسەلەگە قانىققان مينيستر ايتىلعان ۇسىنىستاردى ەسكەرٸپ, تيٸستٸ جۇمىستار اتقارىلاتىنىن ايتتى.
– اۋىل شارۋاشىلىعىنا بەرٸلەتٸن سۋبسيدييا بٷگٸنگٸ تاڭدا 240 ملرد.تەڭگەگە جەتتٸ. بۇل ەلباسىنىڭ اتالعان سالاعا دەگەن قامقورلىعى. سونداي-اق, مەملەكەت باسشىسى اۋىل شارۋاشىلىعى ٶنٸمدەرٸن 2,5 ەسەگە كٶبەيتۋ كەرەكتٸگٸن تاپسىردى. بۇل تۇرعىدا وڭتٷستٸك قازاقستان وبلىسى – اگرارلى سالا ەكەندٸگٸن ەسكەرۋ كەرەك. ەت, سٷت, ماقتا ٶنٸمدەرٸ مەن باقشا داقىلدارىن ٶندٸرۋدە ٶڭٸردٸڭ ٷلەسٸ ەرەكشە. الداعى ۋاقىتتا ٷكٸمەت مەجٸلٸسٸندە جىلدىڭ جاڭا جوسپارىن بەكٸتٸپ, اۋىل شارۋاشىلىعىن ٶركەندەتۋ ٷشٸن تىڭ جوبالاردى قولعا الاتىن بولامىز, – دەدٸ ٶمٸرزاق ەستايۇلى.
ساپار تٷركٸستان قالاسى شاعا اۋىلدىق وكرۋگٸندەگٸ «ەراسىل» جىلىجاي كەشەنٸندە جالعاستى. جوبا قۇنى 70 ملن. تەڭگەنٸ قۇرايتىن كەشەن 0,35 گەكتار اۋماقتى الىپ جاتىر. وندا قازٸرگٸ تاڭدا 5 ادام جۇمىس ٸستەيدٸ. ٶڭٸر باسشىسى رەسپۋبليكاداعى جىلىجايلاردىڭ 75 پايىزى وڭتٷستٸك قازاقستان وبلىسىنا تيەسٸلٸ ەكەندٸگٸن ايتتى.
– اۋىل شارۋاشىلىعىن قولداۋعا ٶتكەن جىلى جالپى 24,9 ملرد. تەڭگە سۋبسيدييا باعىتتالىپ, 40 مىڭعا جۋىق كەسٸپورىن قولداۋعا يە بولدى. اۋىل شارۋاشىلىعىنىڭ جالپى ٶنٸم كٶلەمٸ ٶتكەن جىلى 522,4 ملرد. تەڭگەگە جەتٸپ, ٶسٸم 102 پايىزدى قۇرادى. ال جىلىجاي كٶلەمٸ 2017 جىلى 212 گەكتارعا ارتىپ, جالپى 1 335 گەكتارعا جەتتٸ. ەلباسى جولداۋىندا اۋىل شارۋاشىلىعى سالاسىنا ايرىقشا كٶڭٸل بٶلٸندٸ. وسى ماقساتتا ٶڭٸردە ٶنٸمدٸلٸكتٸ ارتتىرۋ ٷشٸن وزىق تەحنولوگييانى پايدانالانۋعا بارىنشا باسىمدىق بەرەتٸن بولامىز, – دەدٸ جانسەيٸت قانسەيٸتۇلى.
وڭتٷستٸك قازاقستان وبلىسىنىڭ اۋىل شارۋاشىلىعى سالاسىمەن تانىسقان ٶمٸرزاق ەستايۇلى شارۋالاردىڭ جاساعان ۇسىنىستارىنىڭ تيٸمدٸ تۇستارى نازارعا الىناتىندىعىن جەتكٸزدٸ.
وقو ەكٸمٸنٸڭ باسپاسٶز قىزمەتٸ
https://dalanews.kz/33401
