Shókeev AQSh-tyń bas konsýlymen kezdesti
Ómirzaq Estaiuly sheteldik delegattardy Túrkistan óńiriniń tarihy men investitsiialyq áleýetimen tanystyrdy. AQSh-pen qarym-qatynasty damytýǵa jáne nyǵaitýǵa úlken mán beriletinin aitqan oblys ákimi Túrkistan oblysynda biznes klimatty damytý týraly egjei-tegjeili aqparat berdi. Oblys basshysy amerikandyq kompaniialar tarapynan qyzýǵyshylyq týdyratyn birqatar jobalardy tanystyrdy. Qonaq úi, meiramhana biznesi men bilim, aqparattyq tehnologiialar jáne aýyl sharýashylyq ónimderin qaita óńdeý salasyna investitsiia salyp, áriptestik ornatýǵa shaqyrdy. Indýstrialdy aimaqta jeke kásipkerlikti damytý baǵytynda berilgen múmkindikter men jeńildikter jaily jetkizdi.
– Biz úshin AQSh – senimdi seriktes. Elimizdiń Tuńǵysh Prezidenti – Elbasy N.Á.Nazarbaevtyń Túrkistandy tek oblys ortalyǵy ǵana emes, jalpy túrki áleminiń astanasy, mádeni-rýhani ortalyǵy retinde damytý jónindegi tapsyrmasy aiasynda Túrkistan oblysy qurylǵaly 157 nysan boi kóterdi. Týrizm salasyn damytý, onyń áleýetin arttyrý jáne týristerge tartymdy etý – basty talaptarynyń biri. Búginde shaharǵa jylyna 1,5 mln. týrist kelýde. Aldaǵy jyldary olardyń qatary 5 millionǵa jetpek. Biz jai ǵana týrizm emes, arheologiialyq týrizmdi damytqymyz keledi. Eýropalyqtardy, aǵylshyndardy, japondyqtar men qytailardy týrister retinde kórgimiz keledi. Barlyq bastamalarǵa, jobalarǵa daiynbyz. Yntymaqtastyq pen seriktestikke ashyqpyz, – dedi Ómirzaq Shókeev.
AQSh-tyń Almaty qalasyndaǵy Bas konsýly tarihi-mádeni esertkishterge bai Túrkistan óńiriniń bul bailyǵyn týrizm kózine ainaldyryp, qundy resýrs retinde paidalanýdyń mańyzdylyǵyn quptady. Sheteldik delegatsiia Túrkistan óńiri men oblys ortalyǵynyń bolashaq ekonomikalyq damý baǵytyna oń baǵa berip, aimaqtyń aldaǵy jylǵy damý tujyrymdamasyndaǵy birqatar jobalarǵa qyzyǵýshylyq tanytty. Bas konsýl qos eldiń birlesken iskerlik jobalary tek ekonomikalyq turǵydan ǵana emes, áleýmettik jaǵynan da úlken mánge ie ekendigin aityp ótti. Bilim salasyn damytýda tájiribe almasýda niet bildirdi. Kezdesý sońynda taraptar eki el halyqtarynyń igiligi úshin barlyq baǵyttar boiynsha eki jaqty yntymaqtastyqty odan ári nyǵaitýǵa nietti ekenin jetkizdi.
Túrkistan oblysy qurylǵaly 600 mln dollardyń 91 jobasy júzege asty. Alty myńnan astam jańa jumys orny ashyldy. Aldaǵy 4 jylda 3,6 mlrd. AQSh dollarynyń 97 jobasy júzege asyp, 22 myń jumys azamat turaqty jumysqa ornalasady.
