Qoǵamdyq tártip pen qaýipsizdikti qamtamasyz etý, sondai-aq, Astanada Shanhai yntymaqtastyq uiymynyń sammitin ótkizý kezeńinde quqyq buzýshylyqtardyń aldyn-alý jáne jolyn kesý maqsatynda politsiianyń jeke quramy qyzmet ótkerýdiń kúsheitilgen nusqasyna aýystyryldy, – dep habarlaidy Dalanews.kz Astana qalalyq PD baspasóz qyzmetine silteme jasap.
Kóshelerde jáne mádeni-buqaralyq is-sharalar ótkiziletin oryndarda qosymsha qaýipsizdik sharalary qabyldandy.
Jasaqtar sany ulǵaityldy, beinebaqylaý kameralaryn paidalaný arqyly vizýaldy baqylaý kúsheitildi.
Qalaǵa kire beriste "Rýbej" politsiiasynyń statsionarlyq beketteri jumys isteidi, onda qujattar jáne avtomobilder tyiym salynǵan zattardyń bar-joǵyna tekseriledi.
Avtojoldarda qaýipsizdikti qamtamasyz etýge erekshe nazar aýdarylady. Delegatsiialardyń arnaiy kolonnalary ótý kezinde elordanyń sol jaq jaǵalaýyndaǵy magistraldyq kóshelerdegi qozǵalys ýaqytsha shekteletin bolady.
Sonymen qatar, azamattardyń qalaǵa kirýi men shyǵýy boiynsha qandai da bir shekteýler qarastyrylmaǵan.
Astana politsiia departamenti elorda turǵyndary men qonaqtaryn qoǵamdyq tártipti saqtaýǵa, qaýipsizdikti qamtamasyz etý boiynsha qabyldanatyn sharalarǵa túsinistik tanytýǵa shaqyrady.
