Belgiialyq áiel asyrap alǵan Jánibektiń anasy áli kúnge deiin tabylmady. Alaida onyń anasyn tabamyn degen maqsaty aiqyn. Jánibek áleýmettik jelide taǵy bir videoúndeý joldady, - dep habarlaidy Dalanews.kz.
Onyń sózinshe, kishkentai kezindegi bul sýret 2003-2004 jyldary túsirilgen bolsa kerek, sonymen qatar, Arqalyqtan alǵan alǵashqy sýreti eken. Onyń ústine sýretti Jánibekti asyrap alýǵa qatysty resmi qujattarda paidalanǵan.
Bala ózimen qatar uly bar áielderden DNQ tapsyrýyn surap otyr.
"Men Qazaqstanǵa týǵan jerime barǵannan keiin qazaqstandyq mediada shetelge bala satý máselesi jii talqylana bastady.
Biraq, shynymen, men aýysyp ketken siiaqtymyn. Maǵan bul oidy qabyldaýdyń ózi qiyn. Óitkeni meni emes, basqa balany asyrap alýy kerek edi.
Men jaqyn arada biologiialyq anamdy tabamyn dep úmittenemin. Menimen jasty uly bar áielderdiń bári DNQ tapsyrsa degen ótinishim bar", - deidi Jánibek.
Izdeý jumystarymen qazir politsiia ainalysyp jatyr.
