Shymkenttik dárigerler shala týǵan úshemdi qutqaryp qaldy
Biylǵy jyldyń alǵashqy úshemi 16 qańtar kúni dúniege kelgen. Sairam aýdany Qarabulaq aýylynan №2 oblystyq perinataldyq ortalyqqa jetkizilgen 21 jastaǵy Gózal Nurmiminovaǵa shuǵyl túrde ota jasalǵan-dy.
Aiy-kúni tolmai týylǵan sábilerdiń salmaǵy nebári 1,5 kelidei ǵana bolǵan (1495 gramm, boiy – 38 sm, 1590 gramm, boiy – 40 sm, 1640 gramm – boiy 41 sm). Dárigerler aman alyp qalǵan eki qyz bala men bir ul merziminen buryn, iaǵni, jeti ailyq bolyp dúniege kelgen.
Ókpesi durys damymai týylǵan nárestelerdiń úsheýi birdei jasandy tynys alý apparatyna qosylǵan. Bes kún boiy jansaqtaý bóliminde jatqan úshemniń beti beri qarap, aldaǵy bir aidy arnaiy kútim jasaityn bólimshede ótkizdi.
№2 oblystyq perinataldyq ortalyqtyń dárigerleriniń qatań baqylaýynda bolǵan nárestelerdiń árqaisysy osy ýaqyt ishinde bir keliden salmaq qosqan. Aq halattylardyń biliktiligi men kútiminiń, tynymsyz eńbeginiń arqasynda shala týǵan shaqalaqtar aman qalyp, analary baýyry balalaryn baýyryna basty. Alqash ret ana atanǵan 21 jastaǵy Gózal Nurmiminovanyń jaqyndary sábilerdi Zýhra, Zahro jáne Hasan dep ataǵan. Qazir olardyń ómirine esh qaýip joq. Jalpy sońǵy 10 jyldyń ishinde oblysymyzda jyl saiyn 7-13 úshem dúnie esigin ashady. Bir jylda dúniege keletin egizderdiń sany – 800-ge jýyq.
OQO densaýlyq saqtaý basqarmasynyń baspasóz qyzmeti
