شىمكەنتتٸك دەرٸگەرلەر شالا تۋعان ٷشەمدٸ قۇتقارىپ قالدى
بيىلعى جىلدىڭ العاشقى ٷشەمٸ 16 قاڭتار كٷنٸ دٷنيەگە كەلگەن. سايرام اۋدانى قارابۇلاق اۋىلىنان №2 وبلىستىق پەريناتالدىق ورتالىققا جەتكٸزٸلگەن 21 جاستاعى گٶزال نۇرميمينوۆاعا شۇعىل تٷردە وتا جاسالعان-دى.
ايى-كٷنٸ تولماي تۋىلعان سەبيلەردٸڭ سالماعى نەبەرٸ 1,5 كەلٸدەي عانا بولعان (1495 گرامم, بويى – 38 سم, 1590 گرامم, بويى – 40 سم, 1640 گرامم – بويى 41 سم). دەرٸگەرلەر امان الىپ قالعان ەكٸ قىز بالا مەن بٸر ۇل مەرزٸمٸنەن بۇرىن, ياعني, جەتٸ ايلىق بولىپ دٷنيەگە كەلگەن.
ٶكپەسٸ دۇرىس دامىماي تۋىلعان نەرەستەلەردٸڭ ٷشەۋٸ بٸردەي جاساندى تىنىس الۋ اپپاراتىنا قوسىلعان. بەس كٷن بويى جانساقتاۋ بٶلٸمٸندە جاتقان ٷشەمنٸڭ بەتٸ بەرٸ قاراپ, الداعى بٸر ايدى ارنايى كٷتٸم جاسايتىن بٶلٸمشەدە ٶتكٸزدٸ.
№2 وبلىستىق پەريناتالدىق ورتالىقتىڭ دەرٸگەرلەرٸنٸڭ قاتاڭ باقىلاۋىندا بولعان نەرەستەلەردٸڭ ەرقايسىسى وسى ۋاقىت ٸشٸندە بٸر كەلٸدەن سالماق قوسقان. اق حالاتتىلاردىڭ بٸلٸكتٸلٸگٸ مەن كٷتٸمٸنٸڭ, تىنىمسىز ەڭبەگٸنٸڭ ارقاسىندا شالا تۋعان شاقالاقتار امان قالىپ, انالارى باۋىرى بالالارىن باۋىرىنا باستى. القاش رەت انا اتانعان 21 جاستاعى گٶزال نۇرميمينوۆانىڭ جاقىندارى سەبيلەردٸ زۋحرا, زاحرو جەنە حاسان دەپ اتاعان. قازٸر ولاردىڭ ٶمٸرٸنە ەش قاۋٸپ جوق. جالپى سوڭعى 10 جىلدىڭ ٸشٸندە وبلىسىمىزدا جىل سايىن 7-13 ٷشەم دٷنيە ەسٸگٸن اشادى. بٸر جىلدا دٷنيەگە كەلەتٸن ەگٸزدەردٸڭ سانى – 800-گە جۋىق.
وقو دەنساۋلىق ساقتاۋ باسقارماسىنىڭ باسپاسٶز قىزمەتٸ
