Korporatsiianyń Shymkenttegi filialynyń direktory Bahyt Basymbektiń aitýynsha, «Tilekter shyrshasy» – HQO-ǵa kelýshi azamattarǵa tolyq emes jáne az qamtylǵan otbasylarynan shyqqan balalarǵa qýanysh syilaýǵa múmkindik beretin shara. «Balalardyń qalaýy ártúrli. Hatta jazylǵan zattardyń ishinde biz sporttyq aiaq-kiim, ata-anamen bailanysta bolýǵa múmkindik beretin uialy telefon siiaqty tilekterdi kórdik. Árine, tizimde konstrýktor oiynshyqtar, kólikter men qýyrshaq suraýshylar kóp», – deidi filial direktory.
Búgin 22 balanyń barlyq tilegi oryndalyp, HQO kelýshileri men filial qyzmetkerleri alǵan syilyqtar arnaiy merekelik shara barysynda tabys etildi. Aiaz Ata men Aqshaqar meiramnyń sánin keltirip, búldirshinderdiń kóńil hoshyn kóterdi. Sonymen qatar balalar úshin qalanyń úzdik animatorlary shaqyrylyp, qyzyqty qoiylymdar usynyldy.
Memlekettik korporatsiianyń qaiyrymdylyq sharasy Respýblika boiynsha barlyq qalany qamtydy. Balalarǵa qýanysh pen merekelik kóńil-kúi syilaityn aktsiiany jyl saiyn ótkizý josparlanyp otyr.
Altynai TATAEVA, «Azamattarǵa arnalǵan úkimet» memlekettik korporatsiiasy» Shymkent qalasy boiynsha PR-menedjeri
