Shymkentte ustaz oqýshylardyń ǵylymi jobalarmen ainalysýyna yqpal etýde
Mektepte fizika pánine sabaq beretin Gúlnaz Sertaevanyń eńbek ótili 10 jyl. Osy jyl aralyǵynda talai belesti baǵyndyryp, shákirtterine bilim nárin berý jolynda túrli tásilderdi qoldaný úshin izdenip júredi.
Shákirtterin ǵylym jolyna baǵyttaýdy maqsat etken Gúlnaz Asylhanqyzy «Bolashaq enargiiasy» taqyryby boiynsha kún sáýlesinen elektr qýatyn alý jóninde ǵylymi jobany bastaǵan. Atalǵan joba negizinde oqýshylary túrli baiqaýlarda top jaryp, júldeli orynnan kórinip keledi.
Oqýshysy Aqmarjan Qunanbai KazRoboSport-2017 Respýblikalyq chempionatynyń oblystyq kezeńinde ǵylymi joba kategoriiasynda I-oryn alǵan. Keiin «Óndiristik tehnologiialar jáne injiniring» atty IV Halyqaralyq konferentsiiasy aiasynda úzdik jobalarynyń kórmesinde II dárejeli diplommen marapattalǵan.
2021 jyly «Halyqaralyq bilim berý korporatsiiasy» jáne «Qazaq arhitektýra-qurys akademiiasynyń» uiymdastyrýymen ótken shyǵarmashylyq baiqaýda 11 synyp oqýshysy Arailym Jýmartova «Jylyjai ósimdikterin sýǵarýdy avtomattandyrý» jobasy joǵary baǵalanyp, II dárejeli diplommen marapattaldy.
2021 jyly «Bóbek» UǴPBBSO Observatoriiasy Tóken Omarov atyndaǵy Respýblikalyq ǵaryshtyq fizika jáne astronomiiadan ǵylymi baiqaýynda eki oqýshysy Arailym Jýmartova men Aigerim Jýmartova III dárejeli diplommen marapattalǵan.
Tájiribeli muǵalim óz ujymynda da úlken abyroiǵa ie. Bilim salasyndaǵy jetistikteri men respýblikalyq marapaty da az emes. Balalardy jastaiynan ǵylymǵa baýlyǵan ustaz jas mamandarǵa úlgi, ujymda abyroily.
