Basqosýda aýdan ákimderiniń, basqarma basshylarynyń ulttyq halyq sanaǵyna daıyndyq jumystary pysyqtaldy.
Jıynda ulttyq halyq sanaǵynyń mańyzdylyǵyna toqtalyp, bul jolǵy sanaqtyń burynǵydan basty ereksheligi – elektrondy formatta ótkiziletindiginde. Ulttyq sanaqty joǵary deńgeıde ótkizý úshin daıyndyq jumystaryn jandandyrý qajet.
Komısıa otyrysynda Ulttyq statısıka búrosynyń Shymkent qalasy boıynsha departamentiniń basshysy Ernazar Qultaev ulttyq halyq sanaǵyna daıyndyq barysy týraly baıandama jasady.
Onyń aıtýynsha, 1-30 maýsym aralyǵynda halyq sanaǵyna daıyndyq kezeńi ótkiziledi (sanaqtyń 1-kezeńi). Iaǵnı turatyn halyq sany men mekenjaı bóligin naqtylaý úshin turǵyn jaılardy, turǵyn úıler (turǵyn ǵımarattar) men turǵyn emes úı-jaılardy aralaý jumystary júrgiziledi. Jáne atalǵan jumystardy júrgizý úshin 300-ge jýyq sanaq personalyn (38 nusqaýshy-baqylaýshy, 263 ıntervúer) tartý qarastyrylǵan.
Qazirgi epıdemıologıalyq jaǵdaıǵa baılanysty halyqpen tikeleı baılanysta jumys isteıtin sanaq júrgizetin personaldy vaksına egilgen adamdardyń arasynan tartý máselesi aıtyldy.
Búginde aýdandarda ulttyq sanaqqa járdemdesý komısıalary qurylyp, jaýapty mamandar bekitilgen. Shymkent qalasynda turaqty jáne ýaqytsha turatyn, biraq tirkelmegen tulǵalardy der kezinde anyqtap, olardyń durys tirkelýi men tolyq esepke alynýyn tekserý jumystaryn júrgizý halyq sanaǵyn ótkizýdiń daıyndyq jumystarynyń mańyzdy bir bóligi.
Komısıa otyrysynda basqarma basshylary men aýdan ákimderine daıyndyq máselelerine qatysty tıisti tapsyrmalar júkteldi.
