Osy másele kóterilgennen keıin shymkenttik polıseıler «Garant» dúkeniniń aldyndaǵy b/ý «sotka» satatyn azamattardy jappaı teksere bastady. Bul týraly jergilikti «Otyrar» telearnasynyń tilshileri habarlap otyr. Reıdke Shymkent qalalyq jergilikti polısıa qyzmetiniń basshysy Danıar Meıirhannyń ózi shyǵyp, ázirge tek túsindirý jumystarymen shekteldi. Degenmen, qalada ekstremızmmen kúres barynsha qatańdaıtyn bolady deıdi ol.
«Ózderińizge belgili, 18 shildede Almatyda 5 adamdy atyp óltirgen lańkes Rýslan Kúlekbaev radıkaldy dinı baǵyttardyń birin ustanady. Ol Shymkenttegi eski aerovokzalda uıaly telefon satýmen aınalysqan. Ol sekildi saýdagerlerdiń qolynan ótetin telefondarda ádette ekstremıstik kózqarastaǵy teris dinı ýaǵyzdar aıtylatyn aýdıo jáne vıdeomaterıaldar saqtalady. Iaǵnı, adamdardyń mıyn ýlaý osyndaı ádis arqyly da júrgiziledi. Atalǵan ýaǵyzdardy tyńdaǵan nemese kórgen adamdar radıkaldy aǵymǵa enip ketýi múmkin» , - Danıar Meıirhan óziniń Facebook-paraqshasynda.
Tártip saqshylary «Garant» dúkeniniń mańyndaǵy zańsyz saýdamen 2012 jyldan beri kúresip keledi. Alaıda, saýdagerler jolyn taýyp, «sotka" bazaryna aınalǵan oryndy tastap ketken emes.
DEREKKÓZ: sn.kz
