Buǵan deiin «saqaldylar» qoldanysta bolǵan uialy telefondardy satýǵa nege qumar degen taqyryppen másele kótergen bolatynbyz. Óitkeni, Qazaqstannyń úlken qalalarynyń bárinde derlik b/ý «sotka» satý ismen negizinen osy «dindarlar» ainalysyp keledi. Maqalaǵa arqaý bolǵan jýrnalist Arman Sqabylulynyń Facebook-paraqshasyndaǵy jazba edi. Onda ol urlanǵan nemese buzylǵan uialy telefondardyń ishine teris dini aǵymdardyń ýaǵyzdary jazylyp, kezdeisoq turǵyndarǵa satylatynyn aitqan. Iaǵni, bul da «din jaiýdyń» bir joly.
Osy másele kóterilgennen keiin shymkenttik politseiler «Garant» dúkeniniń aldyndaǵy b/ý «sotka» satatyn azamattardy jappai teksere bastady. Bul týraly jergilikti «Otyrar» telearnasynyń tilshileri habarlap otyr. Reidke Shymkent qalalyq jergilikti politsiia qyzmetiniń basshysy Daniiar Meiirhannyń ózi shyǵyp, ázirge tek túsindirý jumystarymen shekteldi. Degenmen, qalada ekstremizmmen kúres barynsha qatańdaityn bolady deidi ol.
«Ózderińizge belgili, 18 shildede Almatyda 5 adamdy atyp óltirgen lańkes Rýslan Kúlekbaev radikaldy dini baǵyttardyń birin ustanady. Ol Shymkenttegi eski aerovokzalda uialy telefon satýmen ainalysqan. Ol sekildi saýdagerlerdiń qolynan ótetin telefondarda ádette ekstremistik kózqarastaǵy teris dini ýaǵyzdar aitylatyn aýdio jáne videomaterialdar saqtalady. Iaǵni, adamdardyń miyn ýlaý osyndai ádis arqyly da júrgiziledi. Atalǵan ýaǵyzdardy tyńdaǵan nemese kórgen adamdar radikaldy aǵymǵa enip ketýi múmkin» , - Daniiar Meiirhan óziniń Facebook-paraqshasynda.
Tártip saqshylary «Garant» dúkeniniń mańyndaǵy zańsyz saýdamen 2012 jyldan beri kúresip keledi. Alaida, saýdagerler jolyn taýyp, «sotka" bazaryna ainalǵan oryndy tastap ketken emes.
DEREKKÓZ: sn.kz
