وسى ماسەلە كوتەرىلگەننەن كەيىن شىمكەنتتىك پوليسەيلەر «گارانت» دۇكەنىنىڭ الدىنداعى ب/ۋ «سوتكا» ساتاتىن ازاماتتاردى جاپپاي تەكسەرە باستادى. بۇل تۋرالى جەرگىلىكتى «وتىرار» تەلەارناسىنىڭ تىلشىلەرى حابارلاپ وتىر. رەيدكە شىمكەنت قالالىق جەرگىلىكتى پوليسيا قىزمەتىنىڭ باسشىسى دانيار مەيىرحاننىڭ ءوزى شىعىپ، ازىرگە تەك ءتۇسىندىرۋ جۇمىستارىمەن شەكتەلدى. دەگەنمەن، قالادا ەكسترەميزممەن كۇرەس بارىنشا قاتاڭدايتىن بولادى دەيدى ول.

«وزدەرىڭىزگە بەلگىلى، 18 شىلدەدە الماتىدا 5 ادامدى اتىپ ولتىرگەن لاڭكەس رۋسلان كۇلەكبايەۆ راديكالدى ءدىني باعىتتاردىڭ ءبىرىن ۇستانادى. ول شىمكەنتتەگى ەسكى اەروۆوكزالدا ۇيالى تەلەفون ساتۋمەن اينالىسقان. ول سەكىلدى ساۋداگەرلەردىڭ قولىنان وتەتىن تەلەفونداردا ادەتتە ەكسترەميستىك كوزقاراستاعى تەرىس ءدىني ۋاعىزدار ايتىلاتىن اۋديو جانە ۆيدەوماتەريالدار ساقتالادى. ياعني، ادامداردىڭ ميىن ۋلاۋ وسىنداي ءادىس ارقىلى دا جۇرگىزىلەدى. اتالعان ۋاعىزداردى تىڭداعان نەمەسە كورگەن ادامدار راديكالدى اعىمعا ەنىپ كەتۋى مۇمكىن» ، - دانيار مەيىرحان ءوزىنىڭ Facebook-پاراقشاسىندا.

ءتارتىپ ساقشىلارى «گارانت» دۇكەنىنىڭ ماڭىنداعى زاڭسىز ساۋدامەن 2012 جىلدان بەرى كۇرەسىپ كەلەدى. الايدا، ساۋداگەرلەر جولىن تاۋىپ، «سوتكا" بازارىنا اينالعان ورىندى تاستاپ كەتكەن ەمەس.

دەرەككوز: sn.kz