Shymkentte ótken fýtbol matchi tóbelespen aiaqtaldy, dep habarlaidy Dalanews.kz.
Shymkent Politsiia departamenti jaǵdaiǵa pikir bildirdi.
"Joldastyq fýtbol matchi kezinde eki komandanyń qatysýshylary arasynda janjal týyndap, tóbeleske ulasqan. Oqiǵa saldarynan qatysýshylardyń biri dene jaraqattarymen aýrýhanaǵa jetkizildi. Buzaqylyq deregi boiynsha politsiia qylmystyq is qozǵady. Oqiǵanyń barlyq qatysýshysy politsiia bólimine jetkizildi. Tekseris barysynda janjal bastalýyna "Ordabasy" komandasynyń kapitany sebepker bolǵany anyqtalyp, qamaýǵa alyndy", - dedi politsiia.
Qazir oqiǵanyń barlyq mán-jaiyn jan-jaqty, tolyq anyqtaýǵa baǵyttalǵan keshendi tergeý júrgizilip jatyr.
Eske salaiyq, buǵan deiin "Ordabasy" men "Aqtóbe" klýbtarynyń jas oiynshylary alańda janjal shyǵaryp, sońy jappai qaqtyǵysqa ulasqany habarlandy.
