شىمكەنتتە وتكەن فۋتبول ءماچى توبەلەسپەن اياقتالدى، دەپ حابارلايدى Dalanews.kz.
شىمكەنت پوليسيا دەپارتامەنتى جاعدايعا پىكىر ءبىلدىردى.
"جولداستىق فۋتبول ءماچى كەزىندە ەكى كوماندانىڭ قاتىسۋشىلارى اراسىندا جانجال تۋىنداپ، توبەلەسكە ۇلاسقان. وقيعا سالدارىنان قاتىسۋشىلاردىڭ ءبىرى دەنە جاراقاتتارىمەن اۋرۋحاناعا جەتكىزىلدى. بۇزاقىلىق دەرەگى بويىنشا پوليسيا قىلمىستىق ءىس قوزعادى. وقيعانىڭ بارلىق قاتىسۋشىسى پوليسيا بولىمىنە جەتكىزىلدى. تەكسەرىس بارىسىندا جانجال باستالۋىنا "ورداباسى" كومانداسىنىڭ كاپيتانى سەبەپكەر بولعانى انىقتالىپ، قاماۋعا الىندى"، - دەدى پوليسيا.
ءقازىر وقيعانىڭ بارلىق ءمان-جايىن جان-جاقتى، تولىق انىقتاۋعا باعىتتالعان كەشەندى تەرگەۋ جۇرگىزىلىپ جاتىر.
ەسكە سالايىق، بۇعان دەيىن "ورداباسى" مەن "اقتوبە" كلۋبتارىنىڭ جاس ويىنشىلارى الاڭدا جانجال شىعارىپ، سوڭى جاپپاي قاقتىعىسقا ۇلاسقانى حابارلاندى.
